Daǵdarystyń ekinshi tolqyny bolmaıdy - Forex club kompanııasy tobynyń taldaýshysy
ALMATY. Qyrkúıektiń 8-i. QazAqparat /Erlik Erjanuly/ - Daǵdarys shıkizattyq baǵyttaǵy ekonomıkanyń álemdik konıýnktýraǵa qanshalyqty táýeldi ekenin kórsetti. Ony Forex club kompanııasy tobynyń taldaýshylary búgin Almatyda ótkizgen baspasóz máslıhatynda aıtty,
dep habarlaıdy QazAqparat.
"Biz ekonomıkada endi keri ketý bolmaıdy dep sanaımyz. Daǵdarystyń ekinshi tolqyny kútilip otyrǵan joq. Baıaý bolsa da ekonomıkanyń qalpyna kelýi júrip jatyr. Alǵashqy jartyjyldyqta Qazaqstannyń jalpy ishki ónimi 8 paıyzǵa ósti. Syrtqy saýda aınalymy 69 paıyzǵa ulǵaıdy", deıdi Forex club kompanııasy tobynyń taldaýshysy Anatolıı Hegaı. Onyń aıtýynsha, aldaǵy 2-3 jyldyń ishinde bári jaqsy bolady. Másele Qazaqstannyń syrtqy boryshynda. Ol 110 mıllıard dollardy quraıdy. Sondaı-aq aıtarlyq deńgeıde bolmasa da bıýdjet jetimsizdigi artýda. Qazirgi tańda ol jalpy ishki ónimniń 4 paıyzynan asyp otyr. Degenmen ony da sheshýge bolady. Daǵdarys kezinde alynyp tastalǵan munaıdyń eksporttyq alymynyń qaıta engizilýi sonyń bir joly deýge bolady.
