Daǵdarystan keıingi qalpyna keltirý baǵdarlamasyna qatysatyn jeti kásiporyn bekitildi
ASTANA. 28 jeltoqsan. QazAqparat - Keshe QR Premer-Mınıstri Kárim Másimov Saýyqtyrý jónindegi keńestiń otyrysyn ótkizip,
onda Daǵdarystan keıingi qalpyna keltirý baǵdarlamasyna qatysatyn jeti kásiporyn bekitildi, dep habarlady pm.kz. saıty.
Esterińizge sala keteıik, Saýyqtyrý jónindegi keńes Daǵdarystan keıingi qalpyna keltirý baǵdarlamasynyń (básekege qabiletti kásiporyndardy saýyqtyrý) maqsat-mindetterine qol jetkizýge jaýapty konsýltatıvtik-keńes organy bolyp tabylady.
Otyrys barysynda keńes qatysýshylary Daǵdarystan keıingi qalpyna keltirý baǵdarlamasyna (básekege qabiletti kásiporyndardy saýyqtyrý) qatysýshy atanǵan azyq-túlik shyǵarýshy, óńdeýshi jáne toqyma salasyndaǵy jeti kásiporynnyń tizimin bekitti.
Baǵdarlamaǵa qatysý úshin eki kezeńnen ótý kerek. Birinshi kezeńde kásiporyn óziniń júıequrýshy kásiporyn ekenin rastaıtyn qujattardy jınaýy jáne baǵdarlama talaptaryna sáıkes bolýy kerek. Ekinshi kezeńde konsýltanttar kásiporyndy saýyqtyrý jónindegi jospardy ázirleýi jáne ol qujatty Kredıtorlar komıteti bekitýi, odan keıin qujat Saýyqtyrý jónindegi keńestiń otyrysynda qaralýy kerek.
