Daǵdarystan keıingi qalpyna keltirý baǵdarlamasyna 41 kásiporyn qatysady
ASTANA. 22 tamyz. QazAqparat - Qazaqstanda óńirdegi básekege qabiletti iri kásiporyndy saýyqtyrýǵa baǵyttylǵan daǵdarystan keıingi qalpyna keltirý baǵdarlamasy júzege asyrylýda.
Búgingi kúni baǵdarlamaǵa 41 júıequraýshy iri kompanııa qatysýda, dep habarlaıdy Rm. kz saıty.
Atalǵan baǵdarlama QR Prezıdenti N.Á.Nazarbaevtyń «Nur Otan» HDP HІІІ sezinde aıtylǵan tapsyrmasy boıynsha júzege asyrylýda.
QR Qarjy mınıstrliginiń aqparyna qaraǵanda, qazirgi kezde 22 iri kompanııa daǵdarystan keıingi qalpyna keltirý baǵdarlamasynyń qatysýshylary bolǵan, qalǵan 19 kásiporyn baǵdarlamanyń ekinshi kezeńine jiberilgen.
«Ekinshi kezeńge jiberilgen taǵy da 19 kompanııanyń baǵdarlamaǵa qatysýy Saýyqtyrý jónindegi keńeske saýyqtyrý jospary jiberilgennen keıin qarastyrylatyn bolady», - dep atap ótken vedomstvo habarlamasynda.
Daǵdarystan keıingi qalpyna keltirý baǵdarlamasy eki kezeńnen turady. Baǵdarlamaǵa qatysýshylardy irikteý eki kezeńde júzege asyrylady. Birinshi kezeńde baǵdarlamaǵa qatysýǵa qajetti qujattar jınalady. Ekinshi kezeńde keńesshilerdiń saýyqtyrý josparyn ázirleýi, ony nesıegerler komıtetiniń bekitýi, Saýyqtyrý jónindegi keńestiń jumys organynyń (Qarjy mınıstrligi) taldaý jasaýy, kásiporyndy saýyqtyrý jáne ony baǵdarlama qatysýshysy dep taný máselelerin Keńeste qaraý júzege asyrylady.
І jartyjyldyqtyń qorytyndysy boıynsha baǵdarlamaǵa qatysýshylar: «Tolaıym klýb» JShS, «MEGA CenterAstana» JShS, «MEGA CenterAlma-Ata» JShS, «MEGA CenterShymkent» AQ, «MEGA CenterAktobe» JShS, «RaimbekBottlers» JShS, «RaimbekAgro» JShS, «GoodFoodcompany» JShS, «Maslo-del» JShS, «Kazros-Broıler» AQ, «Invest Kapıtal Rıeltı» JShS, «ABDI Kompanı» AQ, «Interstroıservıs jáne K» JShS, «TPK «Qarasý» JShS, «AQ Qaıyn-K» JShS, «Jańabek» JShS, «Qaraman-K» JShS, «Ramazan-Qarasý» JShS, «Taldy-K» JShS, «Qarasý-Astyq» JShS, «Qoıbaǵar munaı bazasy» JShS, «Qoıbaǵar elevatory» JShS. Olardyń nesıelerin sýbsıdııalaý úshin 2 295,3 mln teńge qarastyrylǵan.
Baǵdarlamaǵa áleýetti qatysýshylardan ótinim qabyldaý 2013 jyldyń 1 qańtaryna deıin uzartylǵan. 2016 jylǵa qaraı saýyqtyrý protsedýrasynan 30-50 júıe quraýshy kásiporyndar ótedi dep josparlanýda, bul kásiporyndardaǵy 70% shamasyndaǵy jumys oryndaryn saqtap qalýǵa múmkindik beredi.
Daǵdarystan keıingi qalpyna keltirý baǵdarlamasy Qazaqstan Respýblıkasynyń tıimdi sharttarmen aınalym kapıtalyn toltyryp, jarǵylyq kapıtaldy ulǵaıtýǵa, memlekettik qoldaý quraldary túrinde ósýge jańa serpin alýǵa jáne nesıeler boıynsha syıaqy stavkasyn tómendetýge múmkindik beretin daǵdarysqa qarsy bastamalarynyń biri bolyp tabylady.
