Daǵdarystan keıin naryqtyq ekonomıkanyń barlyq elementteriniń qalpyna kelip, tıimdi jumys isteýine Kedendik odaq kóp múmkindikter beredi
áýirdiń 13-i. QazAqparat /Ernur Aqanbaı/ - Premer-Mınıstrdiń birinshi orynbasary Ómirzaq Shókeevtiń pikirinshe, daǵdarystan keıingi kezeńde naryqtyq ekonomıkanyń barlyq elementteriniń qalpyna kelip, tıimdi jumys isteýine Keden odaǵy kóp múmkindikter beredi. Ol bul oıyn búgin Astanada ótken «Keden odaǵy: múmkindiktiri men perspektıvalary» atty dóńgelek ústelde bildirdi,
dep habarlaıdy QazAqparat.
«Daǵdarys bizdiń ishimizden shyqqan problema emes, álemdik problama boldy. Ol syrttan keldi. Daǵdarys kezinde ekonomıkany qarjylandyrýdyń búkil mehanızmderi, sonyń ishinde bank salasyndaǵy mehanızmder de belgili bir dárejede aqaý berdi. Bul jaǵdaıda biz daǵdarysqa qarsy batyl baǵdarlamany júrgizýge májbúr boldyq. Endi biz ekonomıkanyń saýyǵýyna qaraı, memlekettiń oǵan aralasýyn báseńdetýimiz kerek. Sebebi, eshkim de naryqtyq ekonomıkany joıyp tastaǵan joq. Naryqtyq ekonomıkanyń barlyq elementteri qalpyna kelip, tıimdi jumys isteýi tıis. Bul maǵynada Keden odaǵy kóp múmkindikter beredi. Deıturǵanmen, qaýip te barshylyq», dedi birinshi vıtse-premer dóńgelek ústelde.
Onyń sózine qaraǵanda, Keden odaǵynyń qurylýymen básekelestiktiń bási artady. Qazaqstandyq kásipker ıelenip otyrǵan oryndy Reseıden nemese Belarýstan kelgen basqa kásipker basýy múmkin. Alaıda, Keden odaǵynyń aıasynda úsh eldiń úkimetteri birigip, básekelistiktiń básin arttyrý úshin is-qımyldar jasaıtyn bolady.
