Daǵdaryspen kúreske bólingen qarajatty paıdalaný boıynsha 31 tulǵa jaýapqa tartyldy
Memleket basshysynyń tapsyrmasyna sáıkes QR Qarjy mınıstrliginiń Іshki memlekettik aýdıt komıteti syıaqy mólsherlemesin sýbsıdııalaý jáne nesıe boıynsha kepildik berý, «Qarapaıym zattar ekonomıkasy» baǵdarlamasy, 42 500 teńge mólsherinde tólemder, «Aýyl - El besigi» arnaıy jobasy, azyq-túlik jáne turmystyq jıyntyqpen qamtamasyz etý, turǵyndardyń kommýnaldyq tólemderin óteý, densaýlyq saqtaý júıesiniń qyzmetkerlerin yntalandyrý, medıtsınalyq uıymdarǵa aqy tóleý, Nur-Sultan, Almaty jáne Shymkent qalalarynda 3 medıtsınalyq modýldik keshender qurylysy, ishki ister organdarynyń qyzmetkerleri men áskerı qyzmetkerlerge syıaqy tóleý, baılanys qyzmetterimen jáne vedomstvoaralyq aqparattyq júıelerdiń jumys isteýin qamtamasyz etý, azyq-túlik jáne arnaıy múlik satyp alý, palatalyq qalashyqty jabdyqtaý, blokpostardaǵy qaýipsizdikti qamtamasyz etý, jylý túsirgishter satyp alý, sot saraptamasy obektilerin salý, zırattary bar krematorııler salý, sot saraptamalary jónindegi qyzmetter, aqparattyq-túsindirý jumystaryna arnalǵan daǵdarysqa qarsy sharalardy júzege asyrýǵa bólingen 700 mlrd teńgege jýyq qarajattyń paıdalanylýyn qamtı otyryp, aýdıtorlyq is-sharalar júrgizdi.
Aýdıtorlyq is-sharalar nátıjeleri boıynsha kelesi buzýshylyqtar anyqtaldy:
«Aýyl-El besigi» boıynsha – qurylys jumystarynyń oryndalmaǵan kólemine tólem, saraptama júrgizbeı avtojoldarǵa jóndeý júrgizý, kommýnaldyq menshikke jatpaıtyn obektilerdi jóndeý;
densaýlyq saqtaý júıesiniń qyzmetkerlerin yntalandyrý jáne medıtsınalyq uıymdarǵa aqy tóleý boıynsha – qyzmetkerlerge yntalandyrýshy tólemderdi negizsiz esepteý, tóleý jáne tarıfterdi qoldaný, emdelmegen emdelýshiler úshin tólem jasaý, sondaı-aq, tehnıkalyq erekshelikke sáıkes kelmeıtin jáne artyq baǵamen qurylǵylardy jetkizý, kórsetilmegen qyzmetterdi óteý;
turǵyndardyń kommýnaldyq tólemderin óteý – jergilikti atqarýshy organdar alýshylardyń sanyn asyra kórsetýi, kommýnaldyq shyǵyndardy óteý somasyn normadan artyq negizsiz esepteý jáne tóleý, azamattardyń arnaıy kategorııasy tizimine kirmeıtin tulǵalarǵa tólem jasaý, qaıtys bolǵan adamdardyń esep-shottaryna qarajat aýdarý, kommýnaldyq qyzmetterdi jetkizýshiler alǵan qarajatty tutynýshylardyń esep-shottaryna ýaqytynda aýdarmaýy;
azyq-túlik jáne turmystyq jıyntyqpen qamtamasyz etý boıynsha –
birneshe kategorııalarǵa jatatyn tulǵalarǵa aqsha qarajatyn (azyq-túlik jıyntyǵynyń qunyn óteý túrinde) negizsz aýdarý, azamattardyń arnaıy kategorııasy tizimine kirmeıtin tulǵalarǵa tólem jasaý, azamattardyń jekelegen kategorııalaryna tıesili tólemderdi jasamaý.
Aýdıtorlyq is-sharalar qorytyndysy boıynsha anyqtalǵan buzýshylyqtar men kemshilikterdiń sebepterin joıýǵa, sondaı-aq aýdıt obektileri qyzmetiniń tıimdiligin arttyrý men jetildirýge baǵyttalǵan 26 usynym berildi.
Anyqtalǵan buzýshylyqtardyń barlyq faktileri boıynsha aýdıt obektilerine anyqtalǵan buzýshylyqtardy joıý jáne olarǵa jol bergen tulǵalardyń jaýapkershiligin qarastyrý týraly nusqamalar joldandy.
Qazaqstan Respýblıkasynyń Ákimshilik quqyq buzýshylyq týraly Kodeksine sáıkes 31 laýazymdy tulǵa somasy 22,9 mln teńge aıyppul kóleminde ákimshilik jaýapkershilikke tartylyp, ol tolyǵymen bıýdjetke tólendi. Buzýshylyqtarǵa jol bergeni úshin 481 kináli tulǵa tártiptik jaýapkershilikke tartylǵan.
Aýdıtorlyq is-sharalardyń qorytyndylary boıynsha protsessýaldyq sheshim qabyldaý úshin somasy 10 639,3 mln teńge bolatyn 28 materıal quqyq qorǵaý organdaryna joldanyp, 5 materıal boıynsha qylmystyq is qozǵalǵan, qalǵan materıaldar qarastyrylý jáne tergeý satysynda jatyr.
Sonymen qatar, aǵymdaǵy jyly Jumyspen qamtý jol kartasy (JQJK) sheńberinde bólinetin qarajattyń paıdalanylý tıimdiligine monıtorıng júrgizý boıynsha jumys aıasynda Komıtet kameraldyq baqylaý júrgizý jumystaryn jalǵastyrýda, sondaı-aq JQJK iske asyrýmen baılanysty zańdy jáne jeke tulǵalardyń ótinishteri negizinde aýdıtorlyq is-sharalar júrgizilýde.
Mysaly, 2021 jylǵy 14 mamyr jaǵdaıy boıynsha 2020-2021 jyldary júzege asyrýǵa kózdelgen barlyq JQJK jobalarynan jalpy somasy 185,3 mlrd teńge bolatyn 170 joba boıynsha memlekettik satyp alýlar aıaqtalǵan, onyń ishinde kameraldyq baqylaýmen jalpy somasy 86,4 mlrd teńge bolatyn 64 joba boıynsha buzýshylyqtar anyqtaldy. Qalǵan jobalar boıynsha memlekettik satyp alýlar habarlandyrý (ótinishter qabyldaý, ótinishterdi qarastyrý)satysynda jatyr nemese habarlanbaǵan (bıýdjet qarajaty bólinbegen, JSQ pysyqtaýǵa jiberilgen, memsaraptama ótpegen), nemese satyp alýlar júrgizýden bas tartylǵan («Memlekettik satyp alý týraly» QRZ-ń 5-babynyń 13-tarmaǵy).
Bul rette, áleýetti ónim berýshiniń ótinimin zańsyz ótkizý, zańsyz qabyldamaý, shartty jeńildikterdi qoldanbaý nemese durys qoldanbaý memlekettik satyp alýdy júrgizý barysynda jol beriletin negizgi zańnama buzýshylyqtary bolyp tabylady.
