Daǵdarysqa qarsy jumsalǵan qarajattyń shamamen 350 mlrd. teńgesi merziminen buryn qaıtaryldy - E.Dosaev
Búgin Parlament Senatynda «Samuryq-Qazyna» ulttyq ál-aýqat qorynyń jarlyǵyq kapıtalyn arttyrýǵa bólingen bıýdjet qarajattaryn paıdalaný tıimdiligi» taqyrybynda ótken Úkimet saǵatynda Ekonomıkalyq damý jáne saýda mınıstri Erbolat Dosaev osylaı málim etti.
«Qaıtarylǵan qarajattar el ekonomıkasyn saýyqtyrý sharalaryna qaıta joldanatyn bolady. Osynyń ózi elimizdiń ekonomıkalyq damýyna oń áser etpek», - dedi mınıstr.
Onyń aıtýynsha, Úkimettiń daǵdarysqa qarsy baǵdarlamasynyń barlyq qarajaty maqsatqa saı paıdalanylyp, ıgerilgen. «Budan ekonomıkanyń turaqtylyǵy men ósimin qamtamasyz etip qana qoımaı, daǵdarystan keıingi jedel damýǵa múmkindik berdi degen qorytyndy jasaýǵa bolady. Máselen, 2010 jyly jalpy ishki ónimniń ósimi 7,3 paıyzdy, al 2011 jyly 7,5 paıyzǵa jetýi sonyń aıǵaǵy»,-dedi E. Dosaev.
