Daǵdarysqa qarsy sharalarǵa ІT-oıynshylaryn tartý óte mańyzdy - Asqar Jumaǵalıev
«ІT-naryq el Prezıdentiniń osynaý málimdemesin kútkenin bilemin jáne olar Memleket basshysy aıtqan qoldaý sharalaryna qýandy. Áriptesterimniń nazaryn ásirese, myna eki basty máselege aýdarǵym keledi. Birinshi - eńbekaqy tóleý qorynan aýdarymdar men salyq tólemderinen bosatý túrinde salaǵa qarjylyq qoldaý kórsetý. Mundaı qadam IT-kompanııalarǵa osynaý qıyn kezeńde joǵary sanatty mamandardy ustap qalýǵa, jumys isteýin jalǵastyryp, eldegi tsıfrlandyrýdy ilgerletýge múmkindik beretindigine senimdimin»,- dep jazdy mınıstr Facebook paraqshasynda.
Onyń atap ótýinshe, ekinshiden, daǵdarysqa qarsy sharalardy júzege asyrý barysyna jergilikti shaǵyn jáne orta bıznesti, onyń ishinde ІT-oıynshylaryn tartý barynsha mańyzdy.
«Máselen, Memleket basshysy Úkimetke qazaqstandyq ІT-kompanııalardy áleýmettik qoldaýǵa bólingen qarajattyń maqsatqa saı jumsalýyn monıtorıngileýdiń tıimdi tetikterin qamtamasyz etýge múmkindik beretin platforma ázirleýge tartýdy tapsyrdy. ІT-mamandarymyzdy osynaý jumysqa belsendi túrde qosylýǵa shaqyramyn. Bul mańyzdy, degenmen, ІT-kopanııalar ózderiniń laıyqty ekendikterin pash etýge múmkindik beretin bir ǵana keıs emestigine senimdimin», - dedi Asqar Jumaǵalıev.