Daǵdarysqa qarsy sharalardy iske asyrý kezinde turǵyn úılerdi paıdalanýǵa berý kólemin tómendetýge jol berilgen joq - Úkimet saǵaty
ASTANA. 24 qańtar. QazAqparat /Aıdar Ospanalıev/ - Daǵdarysqa qarsy sharalardy iske asyrý kezinde Qazaqstanda turǵyn úılerdi paıdalanýǵa berý kólemin tómendetýge jol berilgen joq.
Bul rette aldyńǵy jylǵa jeke ınvestorlardyń esebinen jaǵa qurylys belgilenbegendigin aıtý kerek. Sondyqtan bıylǵy jyly tıisti sharalar qabyldanbasa, 2012 jyly ótken jyldarmen salystyrǵanda turǵyn úı qurylysy kóleminiń aıtarlyqtaı azaıýy múmkin. Bul týraly búgin Parlament Májilisinde ótip jatqan Úkimet saǵatynda Turǵyn úı jáne kommýnaldyq sharýashylyq agenttiginiń tóraǵasy Serik Nokın málim etti.
Onyń aıtýynsha, jaǵdaıdyń bulaısha qalyptasýy qurylys sektoryna salynatyn ınvestıtsııalar kóleminiń azaıýyna jáne halyqta turǵyn úı satyp alý úshin qoljetimdi quraldardyń joqtyǵyna baılanysty bolyp otyr. «Al memleket tarapynan qurylys salasynyń problemasyn sheshý úshin qaryshty qadamdar jasalýda. 2011 jyly barlyq qarjylandyrý kózderinen 6 mln. sharshy metr shamasynda, onyń ishinde respýblıkalyq bıýdjetten bólinetin qarajattar esebinen 494 myń sharshy metr turǵyn úı salý kózdelip otyr. Sondaı-aq Memleket basshysynyń tapsyrmalaryn oryndaý úshin Qazaqstanda turǵyn úı qurylys jınaq júıesiniń áleýetin paıdalanýmen qatar turǵyn úı qurylysynyń jańa júıesi iske asyrylýda. 2011 jyly «Turǵyn úı qurylys jınaq» banki arqyly ilki jobalardy iske asyrý úshin jergilikti atqarýshy organdar 20,8 mlrd. teńge bólmek»,-dedi S. Nokın.
Sondaı-aq onyń aıtýynsha, elimizdiń 6 óńirinde «Nurly kósh» baǵdarlamasy boıynsha nesıelik turǵyn úı qurylysyn júrgizýde bul maqsatqa 2011 jyly 7,3 mlrd. teńge qarastyrylyp otyr.
