Daǵdarysqa qarsy sharalardaǵy qazaqstandyq modeldiń artyqshylyǵy - alǵa baǵyttalýynda -
ATY. Sáýirdiń 14-i. QazAqparat /Erlik Erjanuly/ - Keden odaǵy kóppolıarly álemge aýysýdaǵy naqty jaýap. Bul búgin Almatyda ótip jatqan táýekel menedjmenti týraly 6-shy halyqaralyq konferentsııada aıtyldy,
dep habarlaıdy QazAqparat.
"Qazaqstannyń daǵdarysqa qarsy sharalaryn baǵalaýda myna jáıtterge nazar aýdarý kerek. Birinshi, memlekettik kómektiń jalpy ishki ónimge shaqqandaǵy joǵarǵy paıyzy. Ekinshi, jyldamdyq. Qazaqstan bólingen qarajatty naqty sektorǵa jetkizýdiń tetikterin taba aldy. Máselen, Reseıde bólingen qarajat keıbir naqty sektorlarǵa áli jetken joq. Úshinshi, bızneske jasalǵan kómek. Salyq kodeksinde olardyń júktemesi azaıtyldy. Menińshe, Qazaqstan úleskerdiń máselesin sheshken jalǵyz ǵana memleket bolyp otyr. Bul eldegi turaqtylyqqa óz septigin tıgizdi", deıdi "Daǵdarystan keıingi álem ınstıtýty" qorynyń dırektory Ekaterına Shıpova. Onyń aıtýynsha, qazaqstandyq modeldiń basty artyqshylyǵy, alǵa baǵyttalýynda. Onda damý potentsıalynyń negizi qalanǵan. Al Qazaqstan, Reseı jáne Belarýs memleketteri arasyndaǵy Keden odaǵy kóppolıarly álemge aýysýdaǵy naqty jaýap. Ol der kezinde qabyldanǵan shara bolyp otyr.
