Daǵdarysqa qarsy 2016 jylǵa arnalǵan qosymsha jedel sharalar jospary ázirlendi

ASTANA. QazAqparat - Daǵdarysqa qarsy qosymsha jedel sharalar 4 baǵyt boıynsha qalyptastyryldy. Bul týraly búgin Úkimet otyrysynda QR Ulttyq ekonomıka mınıstri Erbolat Dosaev málim etti.

«Úkimet Memleket basshysynyń 2016 jylǵy 10 aqpandaǵy Úkimettiń keńeıtilgen otyrysynda bergen tapsyrmalaryn oryndaý úshin 2016 jylǵa arnalǵan daǵdarysqa qarsy qosymsha jedel sharalar josparyn ázirledi. Daǵdarysqa qarsy qosymsha jedel sharalar 4 baǵyt boıynsha qalyptastyryldy», - dedi mınıstr.

Onyń sózine qaraǵanda, atalǵan baǵyttardyń birinshisi aqsha-nesıe saıasatynyń tıimdiligin arttyrý jáne qarjylyq turaqtylyqty qoldaýǵa negizdelgen.

Ekinshisi, «Nurly jol» memlekettik baǵdarlamasy sheńberinde ekonomıkany qoldaý jónindegi sharalardy keńeıtýdi kózdeıdi.

Úshinshi baǵyt shaǵyn jáne orta bıznesti jáne ekonomıkanyń negizgi salalaryn qoldaýǵa arnalsa, al tórtinshisi iskerlik belsendilik pen halyqty jumyspen qamtýdy qoldaýdy qarastyrady.