Daǵdarys jaǵdaıynda elektrondyq saýdany engizý shyǵyndardy azaıtýǵa múmkindik berdi - N. Radostovets
A. Shildeniń 30-y. QazAqparat - «Kóptegen kompanııalar, olardyń qatarynda «Qazhrom», Sokolov-Sarybaı ken baıytý óndiristik birlestigi, «Qazaqmys» kompanııalary bar, ózderiniń saýda saıttaryn ashty, elektrondyq saýda júrgizý tájirıbesine aýysty nemese aýysyp jatyr», deıdi Ken óndirýshi jáne ken-metallýrgııalyq kásiporyndardyń respýblıkalyq qaýymdastyǵynyń basshysy N. Radostovets.
N.Radostovetstiń aıtýynsha, erikti negizde engizilip otyrǵan bul tájirıbe búginde óz nátıjesin berip otyr. «Atap aıtqanda, qosymsha usynystar kóbeıe tústi. Daǵdarys jaǵdaıynda elektrondyq saýdany engizý bizdiń shyǵyndarymyzdy azaıtýǵa múmkindik berdi», deıdi qaýymdastyq bastyǵy.
Assotsıatsııa mamandarynyń esepteýinshe, daǵdarys kezeńinde dál osy ken-rýda salasynyń kásiporyndary óz shyǵyndaryn orta eseppen 15-18 paıyzǵa qysqartyp («profıldi emes» shyǵyndardy azaıtýdyń esebinen), qarajat aınalymyn jedeldete aldy. Osynyń arqasynda, olar naryq usynǵan tómen baǵalarǵa «shydas berdi».
Búginde keńinen qolǵa alyna bastaǵan «Elektrondyq memlekettik satyp alýlar» júıesi de qarjyny tıimdi únemdeýdiń birden-bir úlgisi bolyp otyr. Bul júıeniń arqasynda 20 paıyzǵa deıin bıýdjet qarajaty únemdelýde.
