Daǵdarys ortalyqtaryna júgingen áıel men bala kóbeıdi - Lázzat Qojahmetova

NUR-SULTAN. QazAqparat – Koronavırýstyń birinshi kezeńinde daǵdarys ortalyqtaryna júgingen áıel men bala kóbeıdi. Ulttyq qoǵamdyq senim keńesiniń tórtinshi otyrysynda áleýmettik jańǵyrý boıynsha toptyń atynan baıandama jasaǵan jýrnalıst Lázzat Qojahmetova osylaı málim etti, dep habarlaıdy QazAqparat tilshisi.

«Pandemııa jaǵdaıynda Qazaqstan ǵana emes, álemde kóptegen elderdiń halqy jumyssyzdyqqa ushyrap jatyr. Osy oraıda halyqtyń áleýmettik turmysy ýshyǵyp, nesıe men joqshylyqtyń qamytyn kıgen otbasylar kóbeıýde. Qazirgi kezde pandemııa kezinde otbasylyq-zombylyqtar kúsheıip jatyr, balalarǵa qatysty zorlyq faktileriniń ózi halyqtyń ashý-yzasyn týdyryp otyr», - dedi L. Qojahmetova.

Onyń sózine qaraǵanda, koronavırýstyń birinshi kezeńinde daǵdarys ortalyqtaryna júgingen áıel men bala kóbeıdi.

«Ókinishke qaraı, olardy qabyldamady, sebebi koronavırýsqa qatysty test nátıjelerin surady. Іndettiń jańa tolqyny salqyn mezgilge dóp keletindikten, osy máselelerdi keleshekte qarastyrylǵanyn ári eskerilgenin qalaımyz», - dedi L. Qojahmetova.