Daǵdarys ortalyqtaryna bıyl 1 mlrd teńgeden astam qarajat bólindi

ASTANA. QazAqparat – Ortalyq kommýnıkatsııalar qyzmetindegi brıfıngide Eńbek jáne halyqty áleýmettik qorǵaý vıtse-mınıstri Nazgúl Saǵyndyqova eldegi daǵdarys ortalyqtarynda qandaı qyzmetter kórsetiletinin aıtty, dep habarlaıdy QazAqparat tilshisi.

Qazir Qazaqstanda 43 daǵadarys ortylyǵy bar. Onyń ishinde 15-i memlekettik mekeme, qalǵany úkimettik emes uıymdar arqyly júzege asyrylyp otyr. Ár oblys pen qalada osyndaı daǵdarys ortalyqtary bar. Jyl saıyn osy ortalyqtardy qamtamasyz etý maqsatynda bıýdjet tarapynan aqsha bólinedi. Bıyl 1 mlrd teńgeden astam qarajat qarastyryldy. Daǵdarys ortalyqtarynda turmystyq zorlyq-zombylyq qurbandaryna arnaýly áleýmettik qyzmetter kórsetiledi. Olardyń sáıkes standarttary belgilengen. Oǵan saı, qyzmettiń 8 túri kórsetiledi

, - dep málim vıtse-mınıstr.

Onyń aıýtynsha, osyndaı ortalyqtarǵa qonystanǵan adamdarǵa ýaqytsha jumysqa ornalasýyna jáne medıtsınalyq kómek alýyna jaǵdaı jasalady. Sondaı-aq olarǵa járdemaqy taǵaıyndaý boıynsha qyzmetter kórsetiledi.