Daǵdarys kezinde saıası reformalar tez ári jınaqy ótkizilip otyrýy kerek - B.Aıaǵan
ASTANA. QazAqparat - Daǵdarys kezinde bizdegi mańyzdy másele saıası reformalar tez ári jınaqy ótkizilip otyrýy kerek. Tarıh ǵylymdarynyń doktory, Qazaqstan tarıhy ınstıtýtynyń dırektory Búrkitbaı Aıaǵan búgin tańerteń óz ýəkilettiligin merziminen buryn taratý týraly Prezıdentke úndeý joldaǵan Parlament Məjilisi sheshimi týraly osylaı pikir bildirdi.
«Búgin, 2016 jyly 13 qańtarda Qazaqstannyń saıası tarıhynda eleýli oqıǵa bolyp otyr. Sebebi, dál búgin Qazaqstan Respýblıkasy Májilisinde, sol Májilistiń úsh fraktsııasynyń basshylary Májilistiń ókilettiligin merziminen erterek toqtatý týraly jáne Májilistiń jumysyn taratý týraly Elbasy Nursultan Nazarbaevqa úndeý joldap jatyr. Jalpy, meniń oıymsha búgingi bolyp jatqan saıası oqıǵany qazaqstandyqtar sabyrlyqpen qabyldaý kerek. Saıası tarıhta Parlamenttiń taraýy, onyń qaıta saılanýy sııaqty oqıǵalar bolyp turady. Elbasy úndeýdi qabyldasa QR Konstıtýtsııasy boıynsha, 2 aıdan keıin saılaý ótýi kerek. ıAǵnı, parlamenttik saılaý naýryzda ótedi»,-dep habarlady B.Aıaǵan.
Osy oraıda, B.Aıaǵan Parlament Májilisiniń merziminen buryn taraýy týraly sheshim qabyldaýyna qatysty óz pikirin bildirdi.
«Meniń oıymsha, bul saıası úderiste bolyp turatyn jaǵdaı. Fraktsııanyń jetekshileri Konstıtýtsııa negizinde osyndaı sheshimge kelip otyr. Nege bundaı sheshim qabyldandy? Qazir álemde bolyp jatqan úlken ózgerister bar. Onyń barlyǵy árıne Qazaqstanǵa áser etip otyr. Eger de biz saılaý úderisi tym sozylyp ketip, kúzge jalǵasyp ketse, ol memleketimiz úshin keri áser etýi múmkin. Sondyqtan, der kezinde saılaýdy ótkizip alǵan durys. Daǵdaryspen biz qosyla kúresýimiz kerek. Daǵdarys álemdik deńgeıdegi daǵdarys. Jas memleket Qazaqstan túgil, Qytaı, AQSh, Reseı sııaqty alpaýyt memleketterdiń ózderi daǵdarysqa toıtarys bere almaı otyr. Osy jaǵdaıda bizdegi mańyzdy másele saıası reformalar tez ári jınaqy ótkizilip otyrýy kerek. Osy oraıda, Elbasynyń aıtyp ketken 5 ınstıtýtsıonaldyq reformany atap ótý qajet. Májilis ózin taratyp otyrsa, Senat ornynda qalyp, jumys isteı beredi. Sonymen qosa, naýryz aıynda jergilikti máslıhattardaǵy saılaý qaıtadan ótpekshi. Biraq olar ózderiniń jumystaryn jalǵastyra beredi»,-dep habarlady B.Aıaǵan.
