Daǵdarys kezinde Astanadaǵy úleskerlerdiń máselesin sheshýge 1 mlrd. AQSh dollary bólindi - I.Tasmaǵambetov
ASTANA. 27 qyrkúıek. QazAqparat - Daǵdarys kezinde Astanadaǵy úleskerlerdiń máselesin sheshýge 1 mlrd. AQSh dollary bólindi.
Bul týraly búgin jylý berý maýsymyna daıyndyq máselelerine arnalǵan jıynda Astana ákimi Imanǵalı Tasmaǵambetov málim etti.
«Eger sol kezde memleket bul jaýapkershilikti óz moınyna almaǵanda 45 myń otbasy baspanasyz qalyp, qalanyń, tipti tutas memlekettiń áleýmettik turaqtylyǵy ne bolatyny belgisiz edi», - dedi I.Tasmaǵambetov.
Onyń sózine qaraǵanda, bul túıtkildi sheshýge 5 jyl ketti.
«Daǵdarys kezinde salynyp jatqan turǵyn úılerdiń negizgi bóligi turalap qaldy. Bizdiń qalada 45 myńnan astam úlesker boldy jáne olardyń máselesin sheshýge 5 jyl ýaqyt jumsaldy. Memlekettik bıýdjetten 1 mlrd. AQSh dollary bólindi», - dep túıdi sózin elorda ákimi.
