Daǵdarys ekonomıkamyzdy qaıta jańǵyrtýǵa, jańa deńgeıge kóshýge múmkindik beredi - N.Nazarbaev
«Elmen birge kórgen uly toı» degen qazaqtyń sózi bar. Dúnıejúzindegi halyqtyń barlyǵy lańkestikti de, ekonomıkanyń jaǵdaıyn da kórip otyr. Bizde barlyǵy baıaǵydaı emes. Budan ótemiz. Bolyp jatqan jaǵdaıdy jańartýǵa, jańa ekonomıkaǵa, jańa bastamalarǵa, jańa ınvestıtsııalarǵa jol ashatyn jaǵdaı dep sanaý kerek. Ony qalaı tabý bizdiń mamandyǵymyzǵa, bilgirligimizge baılanysty. Osy kúni Úkimettiń músheleriniń barlyǵy bilimdi. Tilderdi biledi, oqyp kelgen, dúnıeniń barlyǵyn kórgen. Qaǵazǵa qarap, ınternetke qarap barlyǵyn túsine alady, bile alady. Joldy da tabý kerek. Taýyp jatqan elder de bar. Solardyń da jolymen júrýge bolady», - dedi Elbasy.
Sonymen qatar Memleket basshysy bul daǵdarys ekonomıkamyzdy qaıta jańǵyrtýǵa, jańa deńgeıge kóshýge múmkindik beretinin, básekege qabilettilik sharalaryn qabyldaý óte aýyr qabyldanatyndyǵyn basa aıtty.
«Kez kelgen reforma - basshylar úshin aýyrtpalyqty is. Biraq batyl basshy munan ótedi. Óıtkeni onyń nátıjesi halyq ıgiligine aınalady. Eger eshteńe istemesek, onda 3,4 jyldan keıin halyqqa aqsha tóleýdi múldem doǵaratyn bolamyz», - dedi QR Prezıdenti.