Daǵdarys dendegen ýaqytta Parlamentke qaıratty, jańa lep kelgeni quptarlyq - N. Aıtuly

ASTANA. QazAqparat - Daǵdarys dendegen ýaqytta Parlamentke qaıratty, jańa lep kelgeni quptarlyq. Májilistiń merziminen buryn saılaýy týraly depýtattardyń bastamasyna oraı, QazAqparat tilshisine pikirin bildirgen QR Memlekettik syılyǵynyń laýreaty, qoǵam qaıratkeri, aqyn Nesipbek Aıtuly osylaı dedi.

«Májilistiń merziminen buryn saılaýyn ótkizý týraly bastamany saıasatkerler, ekonomıster, sarapshylar bári durys sheshim dep qabyldap jatyr. Saılaýdyń utymdylyǵyn aıtatyndar da bar. Saralap qarasaq, shyndyǵynda bunyń elimiz úshin ońtaıly tusy barshylyq. Óıtkeni, búgin Elbasy aıqyndaǵan Ult josparynyń ózektiligi arta túsýde. Daǵdaryspen kúreste de bul reformalar óziniń septigin tıgizetini sózsiz. Sol jaǵynan zerdelesek, halyq bıliginiń ókilderi retinde Parlamentke qaıratty, jańa lep kelýin jurt kútedi», - dedi Nesipbek Aıtuly.

Onyń sózine qaraǵanda, kúzdi kútpeı merzim jaǵynan saılaýdy jyljytýdan bıýdjet qarajatyn únemdeýge bolatyny da anyq. «Depýtattar bas-basyna saılaý ótkizgennen góri, birden máslıhatty da qosa ótkizýdi usyndy. Bul da jón. Óıtkeni, qazirgi zaman kez kelgen máseleniń únemdiligin suraıtyn ýaqyt», - dedi ol.