Daǵdarys áli bitpegendikten bankter ózderiniń ekonomıkany retteý tetikterin atqara almaı otyr
ALMATY. Sáýirdiń 7-ci. QazAqparat /Erlik Erjanuly/ - Bankter daǵdarysqa qarsy baǵdarlama aıasynda úkimetten alǵan qarajatyn qaıtaratyn bolsa, ol naqty sektordy qoldaýǵa baǵyttalady.
Bul Ulttyq bank basshylarynyń búgin Almatyda ótkizgen baspasóz máslıhatynda aıtyldy, dep habarlaıdy QazAqparat.
«Qazaqstan halyq bankiniń daǵdarysqa qarsy baǵdarlama aıasynda úkimetten alǵan qarajatyn qaıtarý týraly tilegi qandaı jaǵdaı bolmasyn jaǵymdy jaǵdaı. AQSh-ta da úkimetten alǵan qarajatty keıbir bankter tolyq qaıtarsa, keıbiri belgili bir bóligin qaıtarady. Qazir Qazaqstannyń bank sektorynda óz mindetin der kezinde oryndaý qabileti (lıkvıdtik) júrip jatyr. Biz bul týraly buǵan deıin de birneshe márte málimdedik. Biz ekinshi deńgeıli bankterdiń Ulttyq bankte ustap otyrǵan 12 mıllıard dollar kólemindegi qarajatynyń naqty sektordy nesıeleýge qoldanylǵanyn qalaımyz», deıdi Ulttyq bank tóraǵasy Grıgorıı Marchenko. Onyń aıtýynsha, ekinshi deńgeıdegi bankterdiń Ulttyq banktegi korrespondenttik shottaǵy aqshalary tegin bolady. Al depozıttegi aqshalarynyń tek 1 paıyz ǵana ósimi bar.
«Bankter áli daǵdarys bitpegendikten, ózderiniń ekonomıkany retteý tetikterin atqara almaı otyr. Oǵan birinshiden aktıvteriniń sapasynyń álsizdigi jáne naqty sektordaǵy kásiporyndardyń nesıe alý muqtajdyǵynyń olardyń talabyna saı kelmeýi túrtki bolyp otyr», deıdi Ulttyq banktiń Astana qalasyndaǵy Úılestirý departamentiniń dırektory Erulan Jamaýbaev.
