Dabyra urandatýlar az, naqty ister kóp bolýǵa tıis - baspasózge sholý
***
Memleket basshysy Nursultan Nazarbaev «Nur Otan» partııasynyń respýblıkalyq saılaýaldy shtabynda boldy. Bul jaıynda «Egemen Qazaqstan» gazetiniń senbilik sanyndaǵy «Dabyra urandatýlar az, naqty ister kóp bolýǵa tıis» degen taqyryptaǵy maqalada keńinen baıandalǵan. Elbasy, partııa Tóraǵasy «Úgit-nasıhat jumystary jáne logıstıka tobynyń», «Uıymdastyrý jumystary tobynyń» jáne «Aqparattyq-saraptamalyq toptyń» qyzmetimen tanysty. Sondaı-aq, Qazaqstan Prezıdenti óńirlik shtabtar basshylarymen jáne múshelerimen beınekonferentsııa rejiminde keńes ótkizip, barlyq oblystyq shtabtardyń úgit-nasıhat naýqanyna daıyndyǵy týraly esepterin tyńdady. Nursultan Nazarbaev «Nur Otannyń» barlyq azamattarǵa túsinikti saılaýaldy naýqanyn júrgizýi kerektigin aıtty. «Sherýletý men jasandylyqtyń qajeti joq. Árıne, buqaralyq úgit sharalary mańyzdy, biraq bastysy bul emes. Árbir adamǵa sózimiz jetýi, jumysymyzdyń mánin BAQ pen belsendiler arqyly túsindirý mańyzdyraq. Dabyra urandatýlar az, naqty ister kóp bolýǵa tıis. Bul úshin partııalyqtar qoǵamnyń barlyq toptarynyń aýyl men qala turǵyndarynyń, kásipkerler men zııaly qaýymnyń muń-muqtajyn bilýi jáne eskerýi kerek. Elektorattyq kezeńdi azamattarymyzdy toptastyrýǵa, qoǵamdaǵy turaqtylyq pen birlikti odan ári nyǵaıtýǵa qoldaný qajet», dedi Memleket basshysy.
«Belgııanyń astanasy Brıýssel qalasynda Eýroodaqtyń sońǵy jyldardaǵy eń bir kúrdeli sammıti bolyp ótti. Kúrdeli deıtinniń jóni bar. Ulybrıtanııa óziniń birqatar talabyn alǵa tartyp, Eýroodaq elderi basshylaryna ýltımatým qoıýy, talaptary oryndalmasa, múshelikten shyǵatynyn aıtýy, Eýropaǵa aǵylǵan bosqyndar problemasynyń ýaqyt ótken saıyn qoıýlana túsýi osylaı deýimizge negiz bolyp otyr», - dep jazady «Egemen Qazaqstan» gazeti. Basylymnyń jazýynsha, Mıgratsııalyq daǵdaryspen kúres baǵdarlamasynyń ótken kúzdiń basynda talqylanǵan sharalardan, is júzinde, ózgesheligi shamaly. Olar: EO shekarasyn nyǵaıtý, qabyldaý ortalyqtaryn qurý, bosqyndardy tirkeý men sorttaý, elinde basyna qater tónetin adamdarǵa ǵana baspana berip, ekonomıkalyq jaǵynan aýqattylaryn úılerine qaıtarý. Mıgranttardy jyldam sorttaý úshin EO «qaýipti» jáne «qaýipsiz» elder tizimin jasamaq. Soǵan sáıkes, alǵashqylaryna jatatyndar, tutastaı alǵanda, bosqyndar retinde, al ekinshileri ekonomıkalyq mıgranttar retinde qarastyrylatyn bolady. Bosqyndar, kvotalarǵa sáıkes, EO-nyń barlyq elderine ornalastyrylady. Maqala «Eýropalyq odaqtyń nátıjesiz sammıti» degen taqyryppen berilgen.
***
Qyzylordada elester turatyn ishi qupııaǵa toly úı bar. Ol qazaqstandyq bankterdiń birine tıesili, ıaǵnı kepilge qoıylǵan. Bul jaıynda «Ekspress K» gazetindegi «Tıhıı dom» degen taqyryptaǵy maqalada aıtylǵan. Basylymnyń jazýynsha, kórshiler bul úıdiń burynǵy qojaıyny onda uzaq tura almaǵan kórinedi. Bastapqyda belgisiz dybystar shyǵyp, keıin ydys-aıaqtar ózdiginen synyp, jıhazdar oryndarynan qozǵala bastalǵan. Al odan keıin bir túnde úı ıesi túnde eles kórgen. Osydan keıin úı egesi bul sáýlim saraıdan kóshýge sheshim qabyldaǵan. Dál kóshetin túnniń aldynda úıdiń terezeleri kenetten synǵan.
***
Kókpekti aýylynyń turǵyny Bátımash Aıdarova múgedek bolsa da óz bıznesin jolǵa qoıýǵa bolatyndyǵyn dáleldep berdi», - dep jazady «Kazahstanskaıa pravda» gazeti «Svoıa nosha ne tıanet» degen taqyryptaǵy maqalasynda. Bátımash apa bir kezderi saýda salasynda jumysty jyl boıy densaýlyǵyna baılanysty úıde otyryp, istegen. Biraq sońǵy 7 jyl boıy densaýlyǵyna baılanysty úıde otyryp, 2 toptaǵy múgedektiktiń járdemaqysyn alǵan. «Kenetten munan ári jáne osylaı jalǵasa berýi tıis emestigin túsindim. Úıdegi barlyq jumysty atqaryp, kúıeýimdi jumysqa shyǵaryp salyp, qarsy alyp, qyzyma nemerelerimizdi tárbıeleýge kómektessem de ózimdi baqytty sezine almadym», - dedi ol. Birde ol osydan birneshe jyl birge jumys istegen áriptesi, búginde ShQO Kásipkerler palatasy Kókpekti fılıalynyń jetekshisi Álııa Muqashevamen jolyǵyp alǵan. Búginde Bátımash apasy osy azamatshanyń kómegimen óz bıznesin jolǵa qoıýǵa múmkindik alǵan.
