«Dabyl» qondyrǵysy 93 UOS ardageriniń ómirin saqtap qaldy

ASTANA. KAZINFORM - Jaqynda respýblıkada turatyn barlyq UOS ardagerlerine «dabyl» túımelerimen jabdyqtalǵan uıaly qurylǵylar tabystaldy, dep habarlaıdy «Samuryq-Qazyna» Ulttyq ál-aýqat qory» AQ aqparattyq-tanymdyq portaly.

Portaldyń jazýynsha, qazirde barlyq naýqan qatysýshylaryn shuǵyl kómek júıesine qosý aıaqtalýda. Úsh aı ishinde 4115 qurylǵy tabystaldy. Búginge deıin 500-den astam adam osy qurylǵynyń kómegine júgingen. «Atalmysh qurylǵylardyń arqasynda 93 adamnyń ómiri saqtap qaldy: Almaty q. jáne Almaty oblysynda 31 adam; Astana q. jáne Aqmola oblysynda 14 adam; SQO-da 5 adam, ShQO-da 9 adam; Jambyl oblysynda 5 adam; BQO-da 4 adam; Qaraǵandy oblysynda 8 adam; Qyzylorda oblysynda 2 adam; OQO-da 15 adam aman qaldy», delingen habarlamada.

Atalmysh naýqannyń jumysyna búkil Qazaqstan boıynsha 100-den astam erikti, oblystyq/qalalyq/aýdandyq Ardagerler keńesteriniń ókilderi, «Nur Otan» partııasy, «Jas Otan» JQ qatysty.