Dabyl men atys: almatylyqtarǵa oqý-jattyǵýǵa baılanysty eskertý jasaldy

ALMATY. KAZINFORM - Almaty qalasynda 26 qyrkúıekte aýmaqtyq qorǵanys boıynsha «Qorǵaý-2024» arnaıy taktıkalyq oqý-jattyǵýy ótedi.

Oqý-jattyǵý Jetisý aýdanynda, «JEO-1» aýmaǵynda ótedi. Almaty ákimdigi qala turǵyndary men qonaqtaryn dybystyq effektilerge alańdamaýǵa shaqyrdy.

- Oqý-jattyǵý barysynda ártúrli qarýdy qoldanýdyń syrtqy belgilerine uqsaıtyn jabdyqtar qoldanylady. Osyǵan baılanysty qala turǵyndary men qonaqtaryna alańdamaýdy jáne tek resmı aqparatqa senýge shaqyramyz, - dep habarlady Almaty qalasynyń Seısmıkalyq qaýipsizdik jáne jumyldyrý daıyndyǵy basqarmasy.

Eske salaıyq, buǵan deıin Almatyda marafonǵa baılanysty birneshe kóshe jabylatynyn jazǵanbyz.

Sondaı-aq Almatyda túngi ýaqytta Seıfýllın dańǵylynda qozǵalys shekteledi.