D. Turlybektiń «Máshhúr-Júsip» derekti fılmin kórermen synǵa aldy

Aldaǵy qazan aıynda Túrkııanyń Shashma qalasynda túrkitildes halyqtardyń dúnıejúzilik telefestıvali ótetin kórinedi. Bizdiń elimizden Almatydaǵy «Túrki álemi» telestýdııasy qatysady eken. Telestýdııa «Áıteke bıdiń aq joly» jáne «Máshhúr-Júsip» atty derekti fılmderimen festıvalǵa qatyspaqshy bolypty. Sýbtıtrimen túrik tiline de aýdarylypty. Jýyqta fılm avtory, «Túrki álemi» telestýdııasynyń dırektory, jazýshy Doqtyrhan Turlybek Kereký óńirine kelip, alǵashqy betashar kórsetilimin kórsetti. Doqtyrhan Turlybektiń aıtýynsha, festıvalda júldeli orynǵa ıe bolǵan fılm túrkitildes 26 eldiń tiline aýdarylady eken. Olardan basqa aǵylshyn, ıspan jáne orys tilderine de tárjimalanady. Jazýshynyń ǵulamany túrki álemine tanystyrýdy qolǵa alǵan tanymdyq ǵıbraty mol ımandylyq isi saýapty bolsyn deıik. Biraq, Sherhan aǵamyz aıtqandaı, osyndaıda bir kem dúnıeniń aldyńnan shyǵatyny ókinishti. - Bizdiń maqsat - Máshhúr-Júsipti túrki álemine tanystyrý. Ózimiz de áli bile bermeımiz. Ǵulama qazaqqa ǵana emes, jalpy túrki dúnıe¬sindegi aıtýly tulǵa ekenin osy fılm arqyly tanystyrǵymyz keldi. Biraq, fılmdi aldymen jerlesterine kórsetip alaıyn, ne der eken dep ákelip edim. Biraz oryndy syndar aıtyldy. Sondyqtan, qaıtadan tolyqtyrý qajettigin túsindim, - dedi avtor. Árıne, Máshhúr atamyz týraly shetke kıno shyǵaryp, aparyp kórsetý - úlken rýhanı-ǵylymı, ádebı-mádenı izdenisti talap etedi. Ǵulamanyń murasy ol ózi bir tuńǵıyq álem. Bul - bir taýsylmas shejire. Tek úńile bil. Túsiný - paryz. Shyǵarmalary óte kúrdeli, úlken fılo¬sofııalyq-estetıkalyq, poetıkalyq oı arqaýlaryna qurylǵan qubylys. Adamǵa rýhanı oı-sana beretin qýatty qural. Áýlıelik qasıeti, dinı qaıratkerligi jáne bar. Sondyqtan da biz Máshhúr muralaryn áli tolyq tanyp bolǵan joqpyz. Al derekti fılm jónine kelsek, birinshiden, «Túrki álemi» dúnıejúzilik festıvaline alyp baratyndaı maǵynaly oı men mazmun kóre almadyq. Erekshe joǵary áser alatyndaı, sol alǵan áseri oıdan ketpeıtindeı fılm kerek. Ǵulamanyń murasyn zertteýshiler, jer-gilikti jerdegi máshhúrtanýshy ǵalymdar, jazýshylar, jalpy atalarynyń jazǵan-syzǵandaryn saqtap, saralap, jatqa biletin so-ńyndaǵy urpaqtarymen aqyldasyp, keńesip baryp derekti fılm túsirý qajet edi. Kemshin tustardy Doqtyrhan aǵamyz da túsindi. Fılmdi Máshhúr atanyń jerlesterine kórsetip alǵany tipten-aq jaqsy boldy. Ǵulama atamyzdy ózgelerge baǵalata biletin de ózimiz ǵoı. Kópshilik aıtqan synı pikirleri, janashyr kózqarastary qaıta fılm «Túrki álemine» jol júrip ketpeı jatyp aıtylǵany jaqsy boldy. Kelesi joly ǵulama jaıly kópshilikpen keńesken, ǵylymı-ádebı syndardan ótken mazmundy shyǵarma usynylatyn bolar dep senemiz. Ótkendi bilý, ǵıbratyn túsiný - paryz. Al Máshhúr-Júsip Kópeıuly týraly derekti fılm túsirý úshin de osyndaı rýhanııat talaptary qajet ekeni sózsiz.