D.Ten Zagrebte Qazaqstan Ánuranyna qatysty oqıǵanyń mán-jaıyn aıtyp berdi
ASTANA. QazAqparat - Sochı Olımpıadasynyń qola júldegeri Denıs Ten jeltoqsan aıynda Horvatııada Golden Spin of Zagreb atty týrnırdiń marapattaý sátinde Qazaqstan Ánuranyna qatysty olqylyq týraly týraly aıtyp berdi.
«Bul - óte jaǵymsyz oqıǵa. Eń mańyzdy týrnırlerdiń birinde jeńiske jetken kezde bolǵany tipti, ókinishti. Basqa emes, Reseı jáne AQSh syndy elderdiń sportshylaryn joldan taıdyrdym. Biraq, marapattaý kezinde osyndaı qatelik jasaldy. Men mundaıda ne isteý kerektigin bilmedim. Men Ilıa Ilın sııaqty sýperjuldyz emespin. Basqasha isteı almadym», - dedi D.Ten búgin Astanada tilshilermen bolǵan kezdesýinde.
Degenmen, onyń aıtýynsha, marapattaý rásiminen keıin uıymdastyrýshylarǵa atalǵan oqıǵaǵa qatysty úlken eskertpeler jasaldy.
«Men bul oqıǵanyń Qazaqstanda úlken shý shyǵarǵanyn estidim. Biraq men jarystarǵa jalǵyz baramyn. Mende osy ispen aınalysatyn adamdar joq. Bir ózim ony qadaǵalap otyrýǵa úlgermeımin», - dedi ol.
