D sanaty – Qazaqstandaǵy árbir úshinshi otbasy ekonomıkalyq turǵydan osal
ASTANA. KAZINFORM – Eńbek jáne halyqty áleýmettik qorǵaý mınıstri Asqarbek Ertaev áleýmettik ál-aýqatty baǵalaý júıesindegi D sanatyna jatatyn otbasylarǵa qandaı áleýmettik qoldaý kórsetiletinin túsindirdi.
Mınıstrdiń aıtýynsha, D sanaty – ekonomıkalyq turǵydan osal otbasylar. Bul sanatqa tabysy tómen, eńbekke qabiletti músheleri jumyssyz júrgen, nesıe boıynsha merzimi ótken bereshegi bar nemese turǵyn úımen jetkilikti qamtylmaǵan otbasylar jatady.
– Bul kedeılik sheginde turǵan otbasylar. Bir adamǵa shaqqandaǵy tabys shamamen 51-102 myń teńgeni quraıdy. Mundaı tabys deńgeıinde kez kelgen kútpegen jaǵdaı otbasynyń ahýalyn tómendetýi múmkin, – dedi Asqarbek Ertaev Ortalyq kommýnıkatsııalar qyzmetinde ótken baspasóz máslıhatynda.
Elimizde mundaı úı sharýashylyqtarynyń sany shamamen 1,8 mıllıondy nemese 29% quraıdy.
Sondaı-aq bul otbasylarǵa memlekettiń kómegi saqtalady.
– Munda memlekettiń qos mindeti bar: tólemderdi saqtaý jáne otbasylardyń tabys tabýyna múmkindik jasaý. Sondyqtan járdemaqylarmen qatar, azamattardyń jumysqa ornalasýyna jáne kásiptik bilim alýyna járdemdesý qarastyrylǵan, – dep túsindirdi Eńbek mınıstri.
Buǵan deıin Eńbek mınıstri «A» sanatynyń belgilerin ataǵan edi.
Járdemaqy úshin ajyrasýdyń aldyn alý úshin bólek turatyn ata-analar da balanyń otbasy quramyna engiziledi.
Eńbek mınıstri 36 járdemaqynyń 14 túrine ǵana muqtajdyq krıterııi engiziletinin aıtýda.
