D. Petrýhınniń álemdik sherýi aıaqtaldy
ALMATY. 24 qańtar. QazAqparat /Erbol Azanbek/ - Belgili baıker Dmıtrıı Petrýhıniń 7-Qysqy Azııa oıyndaryn nasıhattaýǵa arnalǵan sherýi aıaqtaldy.
«Sherý bastalǵan 2007 jyldan beri Azııa oıyndary meniń júregimde júrdi. Bul maǵan úlken qýat syılady. Túrli jaıttarǵa qaramastan, óz-ózime senimdi boldym. Nátıjesinde sherý sátti aıaqtaldy»,- deıdi ol.
Baıkerdiń aıtýynsha, sherý bastalǵan 2007 jyldan beri álemniń 45 elinde bolǵan. «Azııa oıyndaryn nasıhattaý túrli elde, túrli jaǵdaıda júzege asyryldy. Ásirese, esimde erekshe qalǵany 2010 jyldyń jeltoqsan aıynda Gonkongta 35 eldiń bas konsýldarynyń aldynda sóz sóılegenim. Onda men elimizdiń jetistikteri, Qazaqstannyń EQYU-ǵa tóraǵalyǵy, Astana Sammıti jaıynda baıandadym»,- dedi D.Petrýhın.
