D. Ómirbaevtyń «Stýdent» fılmi Portýgalııada ótken festıvalda arnaıy júldege ıe boldy
ASTANA. 22 qarasha. QazAqparat - Rejısser Dárejan Ómirbaevtyń «Stýdent» fılmi 9-18 qarasha aralyǵynda Portýgalııada ótken Lisbon & Estoril Film Festival festıvalinde qazylar alqysynyń arnaıy júldesine ıe boldy.
Fılm negizgi konkýrstyq baǵdarmaǵa qatysty. Bul týraly Sh. Aımanov atyndaǵy «Qazaqfılm» AQ-nyń baspasóz qyzmetinen habarlady.
Festıvaldiń negizgi maqsattarynyń biri ártúrli mádenı tájirıbeni: kınony ádebıetke, mýzykany sýret ónerine aralastyrý bolyp tabylady. Oǵan qosa, kınematografıster, oıshyldar, sýretshiler men kórermender arasynda dıalog ornatý. Uıymdastyrýshylardyń aıtýynsha, bul - zamanaýı taqyryptardy kórsetip, talqylaıtyn, aýdıtorııany Eýropa men álemniń tek tanymal ǵana emes, sondaı-aq asa tanymal emes fılmdermen tanystyratyn, portýgaldyq kınoóndirýshiler úshin jańa múmkindikter ashatyn jaqsy alań.
