D. Omashulynyń memlekettik tilde zań jazý máselesiniń problemalaryna arnalǵan jańa kitaby shyqty
Atalǵan jınaqty Almaty qalasyndaǵy «Tolǵanaı T» baspasy shyǵarǵan.
Qazaqstan Respýblıkasy Parlamenti Májilisi Apparatynyń redaktsııalaý jáne aýdarma bóliminiń meńgerýshisi Dáýitáli Omashulynyń bul eńbeginde normatıvtik quqyqtyq aktiler uǵymy men túrleri, zań jobalaryn memlekettik tilde daıyndaýdyń ózekti máseleleri jan-jaqty sóz bolǵan.
Sondaı-aq avtor zań aktilerin ázirleýdegi sózdik tehnologııanyń mańyzy jáne zańnamany daıyndaý ádistemesi týraly jeke toqtalǵan. Kitap avtory memlekettik tildegi zańdarmen jıyrma jyldan astam Parlamentte jumys istep kele jatqan bilikti maman retinde ulttyq zańdarymyzdy ázirleýdiń kókeıkesti máselelerine zertteý jasaǵan.
Atap ótý kerek, memlekettik tilde zań jazý máselesiniń búkil problemalary júıeli túrde alǵash ret jazylyp otyr. Sonyń ishinde ulttyq zańnamany ázirleý tili, zańnama jáne resmı aýdarma, zańnama jáne termınologııa men termınografııa sııaqty ózekti máseleler qamtylǵan.
«Bul jumystyń maqsaty - zańnamany memlekettik tilde ázirleý sııaqty qazir egemen elimizde asa ótkir sıpatqa ıe bolyp otyrǵan máseleniń sheshimin tabýyna shama-sharqymyzsha úles qosý. Zań daıyndaý isiniń kóptegen satylary bolatyny belgili. Zań jobasyn memlekettik tilde ázirleýdi qolǵa alǵan sátten bastap oǵan Prezıdent qol qoıǵanǵa deıin barlyq satylarda ázirleýshiden ne talap etiledi, túptep kelgende, qazaq tilindegi zańnamanyń sózdik tehnologııasyna qoıylatyn talaptar qandaı? Kitapta osy máselelerdi egjeı-tegjeıli túsindirýge tyrystym. Bul buryn eshkim dendep zerttemegen másele»,- deıdi Dáýitáli Omashuly.