D.Nóketaeva: Bizdiń nysana - ósim jáne reformalyq damý
Bul pikirdi QazAqparat tilshisine Qazaq memlekettik qyzdar pedagogıkalyq ýnıversıtetiniń rektory Dınar Nóketaeva bildirdi.
«Biz bul mezetti asyǵa kútkenimiz anyq. Óıtkeni Elbasynyń Joldaýy - árdaıym el ishindegi sabyrlylyqty, bereke men birlikti uıystyrýshy faktor. Naqty jospar, myqty strategııalyq damýǵa súıengen bıylǵy jıyrmasynshy Joldaý eńbekqorlyqqa, únemshildik pen birlikke shaqyrady. «Úlken jelkendi kúshti jel ǵana kere alady, Úlken qıyndyqty myqty el ǵana jeńe alady» demekshi, Elbasy barshamyzdy birlik pen yntymaqqa úndep: «Birimiz bárimiz úshin, bárimiz birimiz úshin degen qaǵıdany ustanyp, eńbek etýge tıispiz. Sát saıyn qubylǵan alasapyranǵa saı amal tabýymyz kerek. Eń jaqsy jospar ýaqyt talabyna beıimdelgen jospar bolyp sanalady. Biz de zamannyń betalysyna qaraı mejelerimizdi belgilep, josparlarymyzdy jóndep otyrýymyz qajet. Bizdiń maqsatymyz - eli baqytty, jeri gúldengen otanymyz Qazaqstandy Máńgilik El etý» degendi alǵa tartty. Ras, strategııalyq júıeli damý baǵdarlamalary arqyly nebári eki onjyldyqta Qazaqstan 50 qarqyndy damýshy elder qataryna endi. Menińshe bul Joldaý - ótken tarıhymyzdy súzgiden ótkize otyryp, aldaǵy qaterlerdi eńserý. «Aldymen ekonomıka, codan soń - saıasat» degen formýlamen kósh túzegen Elbasynyń táýelsizdik alǵannan keıingi aýyr jyldarda halyqtyń turmysyn túzeýge, hal-ahýalyn jaqsartýǵa úlken kúsh jumsaǵanyna tarıh kýá. Salıqaly saıasatkerdiń ustanymynyń arqasynda 24 jyldyń ishinde álemniń alpaýyt memleketteriniń qataryna aryndap kirýge umtylǵan elge aınaldyq. «Eýrazııa Barysy» sanalatyn Qazaqstannyń qazirde qarqyny kúshti zamanaýı el retinde álemdik arenada juldyzy jarqyrap tur», - deıdi ol.
Osy oraıda ýnıversıtet rektory álemdegi ahýaldy Prezıdent osydan eki jyl buryn-aq ańdaǵanyn atap óte kele, soǵan laıyqty jospardy da, daǵdarysty eńserý tetigin de aldyn ala daıarlady desek qate bolmaıtyndyǵyn basa atap ótti. Bul rette «Qazaqstan - 2050» Strategııasy, «Nurly jol» baǵdarlamasy jáne «100 naqty qadam» Ult jospary naqty aıǵaq bolaryn basa aıtty.
«Jańa joldaý osy alysty meńzegen tyń bastamalarǵa serpin beretin, ony iske asyrýǵa muryndyq bolatyn kilt bolmaq. Memleket basshysynyń jańa Joldaýy barshamyzǵa tyń serpilis syılady. Biz qıyn-qystaý kezeńde jaqsy kúnderdi kútip buǵyp qalmaı, kerisinshe, naqty baǵyt-baǵdar, qajymas qaırat, eńbek arqyly jol júrmekpiz. Osyndaı qıyn kezeńde Qazaqstan taǵy da «daǵdarystan - damýǵa» umtylmaq, onyń baǵyty - elimizdiń taǵy bir súbeli jeńisi, utqyr qadamy retinde aqıqattalmaq. Túrli jahandyq ekonomıkalyq qıyndyqtarǵa qaramastan damýǵa qaraı bet alý, orasan zor máselelerdi sheshýge kirisý, mega jobalar men jańǵyrtý ıdeıalaryn iske asyrý naǵyz Elbasynyń stıline aınalǵaly qashan. Mine, bizdiń eldiń utqyr tusy osynda jatyr!» - dedi D.Nóketaeva.
Onyń paıymynsha, álemdik ekonomıkalyq daǵdarysqa tótep berý, basqa el jibergen qatelikterdi aldyn alý, qarjylyq máselelerdi ońtaılandyrý, túrli turaqsyzdyqtarǵa daıyn bolý - óz qolymyzda. Biz syrtqy qıyndyqtardan qoryqpaı, toqyraýdy aýyzdyqtap, quldyraýdyń ornyna, ishki qarjy qoryn tıimdi paıdalanyp, eńbek pen yntymaq arqyly odan saıyn damyp, gúldenýimiz kerek. Sebebi, ekonomıkalyq qulazýlar, álemdik daǵdarystyń ózi damýy durys memlekettiń ishki naryǵyn, áleýmettik jaǵdaıyn shıratyp, bekemdeı túsetini belgili.
«Búkil álemdi qýsyryp alǵan qarjy qyspaǵy qaharyna minip tur. Dál qazir jahandyq daǵdarystyń oraq tisti aranyna túspegen, odan zardap shekpegen, úlken shyǵynǵa batpaǵan el kemde-kem. El aýzyndaǵy ulttyq valıýtamyzdyń quldyraýy osy aldyn alýǵa kelmeıtin keshendi problemalardyń biri. Alaıda teńgemizdiń «taǵdyryn» erkindikke jiberip, ishki ekonomıkalyq hal-ahýalymyzdy retteý búkil el úshin mol tájirıbe. Bul - bizdiń jaýabymyz. Teńgeniń mártebesine qatysty Elbasynyń «Ulttyq qor qarjysy esebinen ulttyq valıýta baǵamyn úzdiksiz qoldaý tájirıbesine qaıta oralmaımyz» dep ashyq málimdeýi buǵan deıin aıtylǵan qaýesetterge núkte qoıatyny sózsiz. Ulttyq valıýtanyń nyǵaıýyna quzyrly oryndarǵa naqty tapsyrmalar da berildi. Senim elge qaıtady degen úmitimiz bar», - dedi ol.
D.Nóketaeva óz sózinde QR Prezıdenti Qazaqstannyń resmı túrde Dúnıejúzilik saýda uıymyna múshe bolǵany jóninde de súıinshi habardy jarııalaǵandyǵyn atap ótti. Bul óz kezeginde Uly Dala eliniń ár taraptaǵy eldermen qarjylyq baılanysy kúsheıip, emin-erkin saýda aınalymyn jasaýyna septigin tıgizetindigin basa aıtty. Bul sondaı-aq shaǵyn jáne orta bıznestegi básekelestikti arttyryp, el kásipkerleriniń shıryǵýyna jol beredi. Al olarǵa memleket tarapynan qoldaý kórsetile beretindigi de zor zor yntalandyrý tetigi ekendigi de sózsiz.
«Bul taqyryptar ekonomıkalyq saladaǵy tyń bastamalar. Biraq eldiń eń aldymen kútken máselesi áleýmettik sala ekeni daýsyz. Elbasynyń atalǵan salada eshqandaı qysqartý bolmaıtynyn taǵy da kesip aıtýy - qoǵam úshin úlken demeý boldy. Jaılanǵan kóńildi bul baǵyttaǵy qarjylyq qoldaý tipti semirtkenin aıta ketý kerek. Máselen, jańa jyldan bastap bilim salasynyń qyzmetkerleri jalaqysy men stýdentterdiń shákirtaqysy 29 paıyzǵa deıin ósetin bolady. Bul bilimdi ári belsendi jastarǵa jiger syılaıtyn jaqsy alǵyshart. Osylaısha jańa Joldaý QR Tuńǵysh Prezıdenti kúni merekesiniń aldynda janymyzdy jadyratyp, kóńilimizdi marqaıtty. Tek endigi mindet - eldik pen memlekettik múddeni sezine otyryp iske jumyla kirisý», - dedi D.Nóketaeva.
