D. Nazarbaevanyń depýtattyq ókilettigi merziminen buryn toqtatyldy - Májilis
ASTANA. QazAqparat - Búgin Parlament Májilisiniń jalpy otyrysynda palata depýtattary depýtat Darıǵa Nazarbaevanyń ókilettigin merziminen buryn toqtatý týraly qaýly qabyldady.
Eske sala keteıik, Memleket basshysynyń Jarlyǵymen jaqynda Darıǵa Nazarbaeva QR Premer-Mınıstriniń orynbasary bolyp taǵaıyndaldy. Ol bul taǵaıyndaýǵa deıin Parlament Májilisi Tóraǵasynyń orynbasary bolǵan edi.
D. Nazarbaeva 1963 jyly 7 mamyrda Qaraǵandy oblysynyń Temirtaý qalasynda týǵan. Saıası ǵylymdar doktory, tarıh ǵylymdarynyń kandıdaty. Aǵylshyn, ıtalıan, nemis tilderin meńgergen. «Bóbek» balalar qaıyrymdylyq qorynyń vıtse-prezıdenti. «Habar» agenttigi» JAQ-nyń prezıdenti, «Habar» agenttigi» JAQ-nyń dırektorlar keńesiniń tóraıymy bolǵan. 2004-2007 jyldary - ІІІ saılanǵan Qazaqstan Respýblıkasy Parlamenti Májilisiniń Respýblıkalyq «Asar» partııasynyń tizimi boıynsha saılanǵan depýtaty, «Aımaq» depýtattyq tobynyń jetekshisi. 2007-2012 jyldary - «Qazaqstan Respýblıkasy Tuńǵysh Prezıdentiniń Qory» Qoǵamdyq qorynyń dırektory. 2012 jylǵy 20 qańtardan bastap Qazaqstan Respýblıkasy Parlamenti Májilisi Áleýmettik-mádenı damý komıtetiniń tóraıymy boldy. 2014 jylǵy 3 sáýirden Qazaqstan Parlamenti Májilisiniń vıtse-spıkeri, sondaı-aq «Nur Otan» partııasy fraktsııasynyń jetekshisi laýazymdaryn atqardy.
