D.Nazarbaeva úsh mınıstrlikke buqaralyq sportty damytý josparyn jasaýdy tapsyrdy

«Biz Qazaqstannyń olımpıadalyq jetistikterimen maqtanamyz. Bul - sózsiz keremet nátıjeler. Bizdiń olımpıada chempıondarymyz álem aldynda bizdiń eldiń Týyn kóterip, eń joǵary deńgeıde tanyta bildi. Olarǵa, árıne, biz tek bas ıemiz. Biraq Qazaqstannyń sporty tek olımpıadalyq jetistikter men kásibı sport baǵytynda ǵana damymaýy tıis», - dep atap ótti D.Nazarbaeva mınıstrliktiń alqa májilisinde.

Onyń sózine qaraǵanda, QR Mádenıet jáne sport mınıstrligi, Densaýlyq saqtaý jáne halyqty áleýmettik qorǵaý mınıstrligi, Bilim jáne ǵylym mınıstrligi birlesip, buqaralyq sportty damytý josparyn jasaýy tıis.

«Salaýatty ómir saltynyń aýqymdy úgit-nasıhat jasalǵany kerek. Deni saý, symbatty, qýatty jáne shydamdy bolý - bizdiń qoǵamda sándi bolýy qajet», - deıdi D.Nazarbaeva.