D. Nazarbaeva oqýshylardyń jazǵy kanıkýlyn qysqartý kerektigin aıtty
ASTANA. QazAqparat - QR Premer-Mınıstriniń orynbasary Darıǵa Nazarbaeva oqýshylardyń jazǵy kanıkýlyn qysqartý kerektigi jaıynda aıtty.
Atap aıtqanda, búgin Astanadaǵy № 81 «Astana English School» mamandandyrylǵan gımnazııasy muǵalimderimen jáne oqýshylarymen kezdesý barysynda D. Nazarbaeva QR Іshki ister mınıstrliginiń aqparatyn jetkizdi. Onda jazda úsh aıǵa sozylatyn kanıkýlda balalar arasyndaǵy qylmystar qalǵan aılarmen salystyrǵanda kóbirek jasalatyny baıandalǵan.
«Balalar úsh aıda ne isterin bilmeı júrip qalady. Ázirge, aýla klýbtary belsendi jumys istep jatqan joq, sondaı-aq balalar lagerlerinde orynda jetispeıdi. Balalar óz betinshe júrse, ata-analary jumysta bolady»,-dep toqtaldy Úkimet basshysynyń orynbasary.
Osy rette ol Eýropada oqýshylar kanıkýlǵa 5 shildeden keıin shyǵatynyn jáne Qazaqstan da osy tájirıbeni engizýi kerek ekendigin jetkizdi.
«Jańa oqý jylynan (birinshi synypqa baratyndar) barýy tıis balalar 1 maýsymǵa deıin oqıtyn bolady. Oqý jyly eń uzaq degende maýsymnyń ortasyna deıin jalǵasýy múmkin. Degenmen de men shildege deıin jalǵasqandy qoldaımyn»,-dedi vıtse-premer.
Onyń paıymynsha, jazǵy ýaqytta balalar ermek etetin sharalardy egjeı-tegjeıli oılastyrý kerek.
«Mysaly, mektep týrızminiń damytqymyz keledi. Oqýshylar el boıynsha saparlap, barlyq murajaılardy, tarıhı oryndardy, eskertkishterdi bilýi kerek», - dedi ol.
