D.Nazarbaeva: Memlekettik qordan turǵyn úı alý kezegi 45 jylǵa deıin sozylyp otyr

ASTANA. QazAqparat - Halyqty baspanamen qamtamasyz etýde olardy ádetten tys úmittendirýge bolmaıdy. Bul týraly búgin "Nur Otan" partııasynyń ortalyq apparatynda ótken "Halyqty turǵyn úımen qamtamasyz etý jaı-kúıi men perspektıvalary týraly" parlamenttik tyńdaýdyń usynystaryn iske asyrý barysy týraly" dóńgelek ústel otyrysynda QR Parlamenti Májilisi tóraǵasynyń orynbasary Darıǵa Nazarbaeva aıtty.

«Memlekettik turǵyn úı qorynan beriletin baspana kezegine bıylǵy 1 qańtardyń derekteri boıynsha 283 109 adam tirkelgen. Memlekettiń jylyna 6 myń páter salý qajet degen jospary boıynsha kezektegi eń sońǵy adam shamamen 44-45 jyldan keıin baspanaly bolady degen sóz. Bul búgingi kúnniń shyndyǵy, sondyqtan ony halyqqa jasyrmaı aıtý kerek. Olardyń baspanaly bolsam degen oıyn ádetten tys úmittendirmeý qajet», - dedi ol.

D.Nazarbaevanyń aıtýynsha, depýtattar bir jarym jyl buryn halyqty baspanamen qamtamasyz etýdiń qarapaıym ári tıimdi tetigin usynǵan bolatyn, alaıda jaǵdaı jaqsarǵan joq. «Biz búgin qandaı qorytyndy shyǵara alamyz? Osy bir jarym jyl ishinde bizdiń usynystarymyzdyń bir de bireýi oryndalmady. Olar qaǵaz betinde sol kúıi qaldy», - dedi Májilis tóraǵasynyń orynbasary.

«Biz búginde memlekettik qazynanyń múmkinshiligi shekteýli ekenin, belgili bir máselelerdiń bar ekenin jaqsy bilemiz. Deı turǵanmen, biz bul máseleni sheshetin aıtarlyqtaı qarapaıym ári aqylǵa qonymdy joldaryn usyndyq. ıAǵnı, turmysy nashar otbasylaryna arnalǵan úshinshi-tórtinshi deńgeıdegi qymbat emes baspanalar, shaǵyn otbasylyq jataqhanalar salyp, tıptik jobalar jasaý qajet», - dedi D.Nazarbaeva.

Onyń aıtýynsha, búginde tek tórt oblys pen Astana jáne Almaty qalalary ǵana shaǵyn otbasylyq tıpindegi baspana salýdy josparlaýda. Basqa oblystar týraly eshqandaı aqparat joq.

Aıta keteıik, dóńgelek ústelge Parlament depýtattary, jelgilikti jáne aımaqtyq atqarýshy organdarynyń jaýapty qyzmetkerleri, ÚEU men qurylys kompanııalarynyń ókilderi qatysty.