D.Nazarbaeva: Qazaqstanda álemdik deńgeıdegi kolledj qurý ıdeıasynyń ózi sátsiz
ASTANA. QazAqparat - Búgin Májiliste Áleýmettik-mádenı damý komıtetiniń keńeıtilgen otyrysynda «Kásipqor holdıngi» kompanııasynyń qyzmetin talqylaý barysynda palata vıtse-spıkeri Darıǵa Nazarbaeva álemdik deńgeıdegi kolledj qurý ıdeıasyn synǵa aldy. Eske salaıyq, komıtet otyrysynda kommertsııalyq emes aktsıonerlik qoǵamynyń basqarma tóraıymy Eldana Sádýaqasova elimizde álemdik deńgeıde eki kolledj salynyp jatqanyn aıtqan bolatyn.
Kompanııa basshysynyń aıtýynsha, álemdik deńgeıdegi kolledj qurylysynyń bıýdjeti de qomaqty: Almatyda osyndaı kolledjdiń bir sharshy metrine - 1100, al Astanada 1000 AQSh dollary ketedi. Al Atyraý qalasyndaǵy kolledjderge sabaq beretin sheteldik muǵalimdermen jasalǵan kelisimshart 12,8 mln. dollardy quraǵan.
«Álemdik deńgeıdegi kolledj 2015 jyly iske qosylady. Bundaı kolledjdiń bireýine bıýdjetten 30 mlrd. teńge jumsalady, onyń ishinde qurylys jumystaryna 17 - mlrd., jabdyqtandyrýǵa - 12,8 mlrd. teńge qarastyrylmaq», - dedi Eldana Sádýaqasova.
Vıtse-spıker Darıǵa Nazarbaevanyń aıtýynsha, Qazaqstanda álemdik deńgeıdegi kolledjder qurý ıdeıasynyń ózi sátsiz.
«Jalpy, «álemdik deńgeıdegi» degen ataýynyń ózi qısynsyz, maǵan tipti Ostap Benderdiń «Nıý-Vasıýkı» jobasyn esime túsiredi. «Álemdik deńgeı» degenimiz ne? Bizde tipti álemdik deńgeıde ındýstrııa da gúldenip jatyr ma?» - dedi vıtse-spıker.
Bul rette depýtat D.Nazarbaeva eki kolledjge shamamen 60 mıllıard teńge jumsalatynyn synǵa ala kele, sol qarajattyń biraz bóligin negizinen jumys istep turǵan kolledjderdi jabdyqtaýǵa jumsasa tıimdi bolatynyn atap ótti.
