D. Nazarbaeva elordadaǵy № 81 saılaý ýchaskesinde daýys berdi
ASTANA. QazAqparat - Búgin QR Premer-Mınıstriniń orynbasary Darıǵa Nazarbaeva elordadaǵy Oqýshylar saraıynda ornalasqan № 81 saılaý ýchaskesine kelip, QR Parlamenti Májilisi jáne máslıhat depýtattary saılaýynda daýys berdi.
Aıta keteıik, osy ýchaskege búgin Elbasy Nursultan Nazarbaev, QR Parlamenti Senatynyń depýtaty Nurtaı Ábiqaev, Astana ákimi Ádilbek Jaqsybekov kelip, tańdaý jasady.
Budan buryn habarlanǵandaı, jergilikti ýaqyt boıynsha tańǵy saǵat 7.00-den keshki saǵat 20.00-ge deıin 9840 saılaý ýchaskesinde daýys berý ótedi, munan bólek shetelde 65 saılaý ýchaskesi jumys isteıdi. Jalpy, 9 791 165 qazaqstandyq daýys berýshiler tizimine engizilgen.
Partııalyq tizimder boıynsha saılanatyn Parlament Májilisiniń 98 depýtaty, sondaı-aq oblystyq, Astana, Almaty qalalyq máslıhattarynyń 550 depýtaty, qalalyq máslıhattardyń 625 depýtaty jáne aýdandyq máslıhattardyń 2160 depýtaty saılanady.
Saıası dodaǵa barlyǵy alty partııa - «Nur Otan» partııasy, Qazaqstannyń «AQ JOL» demokratııalyq partııasy, «Aýyl» halyqtyq-demokratııalyq patrıottyq partııasy, Qazaqstan Kommýnıstik Halyq partııasy, Jalpyulttyq sotsıal-demokratııalyq partııasy jáne «Birlik» saıası partııasy qatysyp jatyr.
