D.Nazarbaeva: Densaýlyq saqtaý salasyndaǵylar úshin halyqtyń ádil baǵasyn alý - basty mindet
ASTANA. QazAqparat - Halyqqa medıtsınalyq qyzmet etýdiń sapasyn kóterý jáne turǵyndardyń qajettiligine oraı qyzmet etý - bul el densaýlyq salasyndaǵy basty mindet, dep málimdedi elordalyq ákimdikte bolǵan kezdesýde QR Premer-Mınıstriniń orynbasary Darıǵa Nazarbaeva.
«Memleket medıtsına jáne densaýlyq saqtaýǵa óte kóp qarjy saldy. Sondyqtan kórshiles aımaqtar Reseı men Qytaı tárizdi búgingi tańda bizde de medıtsınalyq qyzmet sapasyn kóterýdiń orasan zor múmkindikteri bar. Bárinen buryn qazaqstandyqtar tarapynan ádil baǵa alý bizdiń árqaısymyzdyń qazirgi ýaqyttaǵy basymdyqty mindetimiz», - dep atap ótti D.Nazarbaeva.
«Bizge medıtsınalyq kómektiń qoljetimdiligine, sondaı-aq medıtsınalyq qyzmet sapasyna baılanysty shaǵymdar kóp túsedi. Jalpylaı aıtqanda, kóńil tolmaýshylyq deńgeıi joǵary ekeni baıqalady. Bul qos tarapqa - dárigerler men azamattarǵa da tán bolyp otyr. Sizder de jaqsy bilesizder, shetelderde medıtsınalyq qyzmetti paıdalanatyndar sany artyp barady», - Premer-Mınıstrdiń orynbasary osyndaı pikirde.
Ol qurylatyn mindetti medıtsınalyq saqtandyrý qory medıtsınalyq mekemeler men dárigerlerdi reıtıngti kóterýge, halyqaralyq akkredıtatsııa alýǵa jáne jalpy alǵanda, kórsetiletin qyzmet sapasyn arttyrýǵa yntalandyratynyna senimdi, dep habarlaıdy Primeminister.kz. Sondaı-aq D.Nazarbaeva densaýlyq saqtaý mekemelerinde durys psıhologııalyq ahýaldy qalyptastyrý máselesine de basa nazar aýdardy.
