D.Nazarbaeva: Bilim berý júıesin tolyq aqparattandyrsaq, mınıstrliktiń myń tonna qujaty joıylar edi
ASTANA. QazAqparat - Eger bilim berý júıesin tolyq aqparattandyryp alsaq, Bilim jəne ǵylym mınıstrliginiń taýsylyp bitpeıtin esepteri joıylar edi, bitpeıtin tekserýleri toqtap, myń tonna qujatty ary-beri tasymaıtyn edik, - deıdi Bilim jáne ǵylym mınıstrliginiń keńeıtilgen alqa otyrysyna qatysqan QR Premer-mınıstriniń orynbasary Darıǵa Nazarbaeva.
«Biz tórtinshi - ındýstrııalyq revolıýtsııa, jedel aqparattandyrý týraly aıtyp júrmiz. Bularsyz qazir eshbir el aıaq attap basa almaıdy. Ókinishke qaraı, Qazaqstan búkil júıeni, densaýlyq saqtaý júıesin de, bilim berý júıesin de, memlekettik basqarý júıesin de aqparattandyrýda tym artta kele jatyr. Sondyqtan, qarqyndy damyp, aqparattandyrý kóshine ilesýimiz kerek. Qazir bizge myqty IT-mamandar kerek. Jýyrda ǵana, osy aptanyń basynda men Məskeýge barǵan edim. Məskeý - bilim salasynda kóp jańalyq ashyp otyrǵan qala. Sonda men robot qurastyra alatyn, ǵalamtorda programmany modeldeı alatyn birinshi synyp oqýshylaryn kórdim. Tipti fantastıka dersiz. Biraq, balanyń bəri birdeı emes pe!?», - degen D.Nazarbaeva kinarat bizdiń bilim berý júıesindegi olqylyqtarda dep atap ótti.
«ıAǵnı, aıyrmashylyq - bilim berý júıesinde, oqytýdyń ədis-təsilinde jatyr. Ózderińiz elestetip kórińizdershi, eger bilim júıesin tolyq aqparattandyryp alsaq, Bilim jəne ǵylym mınıstrliginiń taýsylyp bitpeıtin esepteri joıylar edi, aıaqtalmaıtyn tekserýleri toqtap, myń tonna qujatty ary-beri tasymaldamaıtyn edik. Qazir sol myń tonna qujatty bireý kerek qylyp oqıdy degenge kúmənim bar. ıAǵnı, búkil aqparatymyz jelide bolady, bir júıede bolady. Osylaı jumys isteý əldeqaıda jeńil emes pe!?»,-dedi D.Nazarbaeva.
