D.Medvedev Ýkraınany UQShU-ǵa qatysýǵa shaqyrdy
ASTANA. Mamyrdyń 18-i. QazAqparat - RF Prezıdenti Dmıtrıı Medvedev Ýkraınany Ujymdyq Qaýipsizdik sharty uıymyna qatysýǵa shaqyrdy. Mundaı málimdemeni D. Medvedev T.Shevchenko atyndaǵy Kıev ulttyq ýnıversıteti stýdentterimen bolǵan kezdesý kezinde jasady, dep habarlaıdy RBK.
Ol uıymǵa qosylýǵa qatysty sheshimdi Ýkraına ózi qabyldaý kerek ekendigin atap ótti. «Eger qyzyqty bolsa - wellcome. Eger de belgili bir kúmán bolsa, biz oǵan túsinistikpen qaraımyz. Eger bolashaqta sizder UQShU-ǵa qosylýdy durys dep tapsańyzdar, biz qýanyshty bolamyz», - dedi D. Medvedev.
Ol UQShU-nyń NATO-ǵa qarsy qurylmaǵandyǵyn atap ótti. «Bizge NATO nemese basqa da áskerı odaqqa qarsy shyǵý qajet emes», - dep atap ótti RF Prezıdenti. Sonymen qatar ol, Ýkraınanyń beıtarap memleket retindegi dárejesi Reseıdiń kóńilinen shyǵatyndyǵyn da atap ótti.
UQShU-ǵa Armenııa, Belarýs, Qazaqstan, Qyrǵyzstan, Reseı, Tájikstan jáne Ózbekstan kiredi.
