D.Medvedev: Rýbl álemdik rezervtik valıýtaǵa aınalýy múmkin
ASTANA. 28 qyrkúıek. QazAuparat - Reseılik rýbldiń jańa álemdik rezervtik valıýtaǵa aınalýyna úmit mol, dep sanaıdy RF premer-mınıstri Dmıtrıı Medvedev.
Ol ıAltada TMD elderiniń halyqaralyq ınvestıtsııalyq forýkmynda sóılegen sózinde osyndaı málimdeme jasady, dep habarlady RBK.
Álemdik valıýta júıesi týraly óz pikirin bildire otyryp, D.Medvedev onyń turaqsyzdyǵyn atap kórsetti. «Álem birde-bir rezervtik valıýta óziniń bárinen joǵary bola almaıtyndyǵymen betpe-bet keldi», - dep atap ótti premer jáne oǵan 2008-2009 jyldardaǵy daǵdarys kezinde dollardyń turaqsyz bolǵanyn jáne qazirgi eýroaımaq daǵdarysyn tilge tıek etti.
D.Medvedevtiń aıtýynsha, qazirgi júıege jańa rezervtik valıýtalar túrindegi qosymsha tirek kerek. «Men bul oraıda rýbldiń osyndaı valıýtaǵa aınalýyna úmiti zor dep sanaımyn», - dep málimdedi reseılik premer jáne qazir Reseı osy jobany jalǵyz ózi emes, Biryńǵaı ekonomıkalyq keńistik boıynsha áriptesterimen birge alǵa jyljytýda, dep qosty.
RF premeri qytaı ıýany da bolashaǵy zor rezervtik valıýtanyń biri ekenin eske saldy. «Ázirge qytaılyq dostarymyz ony aıyrbastalatyn valıýta retinde engizýdi qolǵa alǵan joq, eger olar osyndaı sheshim qabyldaıtyn bolsa, kóptegen memleketter óz rezervterin ıýanǵa aıyrbastaıtynyna kúmán joq», - dedi jáne bul qazirdiń ózinde «ómirdiń talaby» dep qosty.
