D.Medvedev Keden odaǵynyń Kedendik kodeksi týraly kelisimshartty bekitý týraly zańǵa qol qoıdy
ASTANA. Maýsymnyń 3-i. QazAqparat - Reseı Prezıdenti Dmıtrıı Medvedev 2010 jyly mamyrdyń 21-inde Memlekettik Dýma qabyldaǵan jáne mamyrdyń 26-synda Federatsııa keńesi maquldaǵan «Keden odaǵynyń Kedendik kodeksi týraly kelisimshartty bekitý týraly» federaldyq zańǵa qol qoıdy, dep habarlaıdy RBK agenttigi.
Bul Kelisimshartqa 2009 jyly qarashanyń 27-sinde Mınskide qol qoıylǵan bolatyn. Kelisimshartqa qoldyń qoıylýy RF, Belarýs jáne Qazaqstan elderiniń arasyndaǵy yqpaldastyqtyń tereńdeýin eskere otyryp EýrAzEQ aıasyndaǵy Keden odaǵynyń quqyqtyq bazasyn qalyptastyrýdyń qajettiliginen týyndap otyr.
Kelisimsharttyń maqsaty - Keden odaǵynyń biryńǵaı kedendik aýmaǵynda kedendik úılestirýdi qamtamasyz etý bolyp tabylady.
