D.Matsýev qazaq fortepıano mektebi damýyna joǵary baǵa berdi
ASTANA. QazAqparat - «Astana Piano Passion» baıqaýynda 6 qazaqstandyq jas pıanısshi baq synaıdy. Bul týraly búgin «Astana Piano Passion» baıqaýynyń ashylýyna arnalǵan brıfıngte Reseıdiń halyq ártisi, konkýrstyń kórkemdik jetekshisi ári qazylarynyń qurmetti tóraǵasy Denıs Matsýev málim etti.
«Ótken jylǵy konkýrstyń zor jetistik bolǵandyǵy sózsiz. Ol jaıynda búkil álem aıta bastady. Baıqaýdy barlyǵy biledi, maǵan senýlerińizge bolady. Qaıda barsam da, adamdar baıqaýdy ǵalamtor arqyly kórgendigin aıtýda. Demek, bul mádenı shara halyqaralyq rezonans týdyryp otyr», - dedi ol.
Onyń atap ótýinshe, aǵymdaǵy jylǵy baıqaýǵa álemniń 23 elinen 120 daryndy jas pıanısshi qatysýǵa ótinim bergen. Al olardyń ishinnen ekinshi kezeńge ótken 30 balany irikteý alý biraz qıyndyqtar týyndatqan.
«Qazaq fortepıano mektebiniń tamasha jetistigin atap ótkim keledi. Óıtkeni, senińizder, olardyń deńgeıi kóz aldymyzda ósip keledi. Qazaqstannyń ártúrli qalalarynan talanatty jastar baıqaýǵa qatysý úshin ótinim berdi jáne 6 adam ekinshi kezeńge joldama aldy. Menińshe, bul - tamasha jetistik. Bul deńgeıde qalyp qoımaý kerek», - dedi D.Matsýev.
