D. Krasılnıkov EADB basqarma tóraǵasynyń orynbasary bolyp taǵaıyndaldy

ALMATY. 17 qańtar. QazAqparat - Eýrazııalyq damý banki basqarmasynyń múshesi, korporatıvtik qarjylandyrý jónindegi basqarýshy dırektory Dmıtrıı Krasılnıkov Bank keńesiniń sheshimimen EADB basqarma tóraǵasynyń orynbasary laýazymyna taǵaıyndaldy, dep habarlady EADB baspasóz qyzmetinen.

D. Krasılnıkov Máskeýde 1968 jylǵy 18 naýryzda týǵan. 1992 jyly Máskeý qarjy ınstıtýtynyń halyqaralyq ekonomıkalyq qatynas fakýltetin aıaqtaǵan. 2001 jyly Kornell (AQSh) S. Djonson atyndaǵy bıznes-mektebinde ІÁM (MVA) dárejesin alǵan. 1992 jyldan bastap 2005 jyldar aralyǵynda Máskeýde Banktiń (AQSh) HVQ mıssııasyndaa, «Kargıll» korporatsııasynda jáne Londondaǵy «Shreder Salomon Smıt Barnı» bankinde, Hıýstonda «Enron» korporatsııasynda túrli laýazymdarda jumys atqardy. 2005-2006 jj. - «Taıga kapıtal» kompanııasynyń basqarýshy seriktesi boldy, 2006 jylǵy 16 maýsymnan bastap Korporatıvtik qarjylandyrý jáne qarjy ınstıtýttary basqarmasynyń basshysy bolyp taǵaıyndalyp, EADB quramyna kirdi. 2010 jylǵy qyrkúıekte Banktiń korporatıvtik qarjylandyrý jónindegi basqarýshy dırektory laýazymyna aýystyryldy.