D.Qonaev atyndaǵy meshittiń qurylysyna qarjy jınalady

ASTANA. 16 aqpan. QazAqparat - D.A.Qonaev atyndaǵy «Saýap» qoǵamdyq-qaıyrymdylyq qory kórnekti memleket jáne qoǵam qaıratkeri D.Qonaevtyń týǵanyna 100 jyl tolýyna oraı

halqymyzdyń birtýar azamatynyń rýhyna baǵyshtap meshit soǵý týraly bastama kótergen bolatyn. Meshit qurylysyn júrgizýge arnalǵan esep-shot ta ashylǵan edi.

«Qazaqstandy damytýǵa qomaqty úles qosqan uly tulǵaǵa arnalǵan meshit qurylysyna Almaty qalasynan jáne elimizdiń keıbir óńirlerinen qarjylaı kómek kórsetken azamattar az bolǵan joq. Sáýir aıynan bastap meshit qurylysy qolǵa alynady. Kezinde nıettenip, biraq úlgere almaı qalǵan kásipkerler nemese jekelegen azamattar bolsa, áli de múmkindikteri bar ekenin eske salamyz», - deı kele D.A.Qonaev atyndaǵy «Saýap» qoǵamdyq-qaıyrymdylyq qory esep-shottaryn buqaralyq aqparat quraldary arqyly qaıta taratyp otyr.

Qoǵamdyq-qaıyrymdylyq qormen 3979064, 2710102 telefon nómirleri boıynsha baılanysýǵa bolady.