D.Qadyrbaev Amerıka abaqtysynan merziminen buryn bosap shyǵýy yqtımal
ASTANA. QazAqparat - Dıas Qadyrbaev Amerıka abaqtysynan merziminen buryn bosap shyǵýy yqtımal. Bul týraly búgin BAQ ókilderine QR Syrtqy ister mınıstrliginiń resmı ókili Altaı Ábıbýllaev málim etti.
«Ekinshi maýsym kúni Qazaqstan azamaty Dıas Qydyrbaevqa qatysty Amerıka soty óz sheshimin qabyldady. Bul sottyń sheshimimen Qazaqstan azamaty alty jylǵa bas bostandyǵynan aıyryldy. Alty jyl degenimiz - 72 aı. 72 aıdyń 26 aıyn ol abaqtyda ótkizdi»,- dedi resmı ókil.
A.Ábıbýllaevtyń atap ótýinshe, Qazaqstan azamaty qalǵan ýaqyt ishinde abaqtyda tártibimen, ónegeli is-qımylymen kózge túsetin bolsa, Amerıka zańyna sáıkes jyl saıyn abaqtyda bolý merzimin 15 paıyzǵa azaıta alady.
«Bizdiń paıymdaýymyzsha, Qazaqstan azamaty Dıas Qadyrbaev 2021 jylǵa deıin emes, odan erterek bostandyqqa shyǵyp, elge oralýy yqtımal», - dedi A.Ábıbýllaev.
