D. Isabekovtyń aǵylshyn tilinde shyǵarmalar jınaǵy jaryq kórdi
ASTANA. QazAqparat - QR Ulttyq kitaphanasynda belgili jazýshy, tanymal dramatýrg, QR Memlekettik syılyǵynyń ıegeri, Halyqaralyq PEN klýb, Platınaly «Tarlan» syılyqtarynyń laýreaty Dýlat Isabekovtyń aǵylshyn tilinde jaryq kórgen shyǵarmalar jınaǵynyń tusaý keseri ótti.
Atalmysh jınaq Ch.Aıtmatova akademııasynyń dırektory Rahım Abdýalıev, Ulybrıtanııa teatrynyń dırektory Devıd Papava jáne ırlandııalyq táýelsiz synshy, psıholog Sara Kopleı syndy tanymal teatr synshylary men mádenıet qaıratkerleriniń qoldaýymen London qalasynda aǵylshyn tilinde jaryq kórgen bolatyn.
Esterińizge sala keteıik, 2015 jyly Dýlat Isabekovtiń «Biz soǵysty kórgen joqpyz» atty povesi aǵylshyn tilinde «Soǵys jáne balalar» degen atpen jaryq kórgen bolatyn. Al buǵan deıin tuńǵysh ret aǵylshyn tilinde jazýshynyń «Gaýhartas» atty áńgimeler men povester jınaǵy basylyp shyqty. Onyń tusaýkeseri sáýir aıynda ulybrıtanııalyq Kembrıdj ýnıversıtetinde ótti. Sondaı-aq, naýryz aıynda Nartaı Bekejanov atyndaǵy Qyzylorda oblystyq akademııalyq mýzykalyq-drama teatry Isabekovtyń «Ókpek jolaýshy» atty pesasyn London qalasynda qazaq tilinde qoıǵany belgili. Dýlat Isabekovtiń bul pesasy «The Transit¬ Pas¬sen¬ger» degen atpen 2014 jyly sáýir aıynda London qalasynyń «Giant Olive» teatrynda aǵylshyn tilinde qoıylǵan bolatyn.
Jazýshynyń aıtýynsha, bul shyǵarma qalamgerdiń 46 jasynda jazylǵan. Bul qoıylym qazaqy dúnıetanymdy, qazaq halqyna tán adamgershilik qasıetter men qarym-qatynas mádenıetin, sol sekildi otbasylyq qundylyqtardyń mańyzyn aıshyqtaǵandaı bolady. Mundaǵy eń qyzyqty obraz - aǵylshyn jurtyn súısindirgen obraz qazaq áıeliniń beınesi ekeni daýsyz.
Aıt ketý kerek, Ulybrıtanııa pavılonynyń aýmaǵynda mundaı sharanyń ótýi eki eldiń mádenı jáne shyǵarmashylyq baılanysynyń nyǵaıýyna sebepker bolmaq.
Sonymen qatar Dýlat Isabekovtyń birqatar shyǵarmalary orys tiline aýdarylyp, 1978 jyly «Polyn», 1979 jyly «Otchıı dom», al 1986 jyly «Smıatenıe», «Novosele v starom dome» degen atpen basylǵan bolatyn. Jekelegen týyndylary vengr, nemis, polıak, cheh tilderinde jarııalandy.
Sondaı-aq, Dýlat Isabekovtyń týyndylarynyń negizinde túsirilgen fılmder qazaq kınematografııasynyń qorjynyna qosyldy. Atap aıtsaq, olar 1975 jyly túsirilgen talantty rejısser Sh.Beısembaevtyń «Gaýhar tas» kórkem fılmi jáne 1986 jyly jaryq kórgen rejısseri keńestik jáne qazaqstandyq kıno jáne teatr akteri, kıno jáne teatr rejısseri, teatr pedagogy, professor, Qazaq KSR halyq ártisi, KSRO halyq ártisi,Qazaqstannyń Eńbek Eri Asanáli Áshimovtyń kórkem fılmi «Dermene».
Atalǵan saltanatty jıyndy ashqan QR Mádenıet jáne sport mınıstri Arystanbek Muhamedıuly: «Búgingi aıtýly sharaǵa Ulybrıtanııadan avtor shyǵarmalaryn aýdarǵan jáne oǵan qyzyǵýshylyq tanytqan qonaqtar kelip otyr. Mádenıeti men ádebıeti bıik halyq - uly halyq dep Ǵabıt Músirepov aıtqandaı, elimizdiń rýhanı qazynasy álemdik deńgeıde tanytyp júrgen Dýlat aǵamyzǵa shyǵarmashylyq tabys pen denine saýlyq tileımin. Aǵylshynnyń uly klassıgi Ýılıam Shekspırdiń jazǵan keıipkerleri osy zamanǵy rýhanı qajettilikterdi qanaǵattandyryp azyq etýge laıyq»,- dep atap ótti.
Tusaýkeser keshine shaqyrylǵan qurmetti meımandar qatarynda tanymal jazýshylar, aqyndar, jýrnalıster men Qazaqstannyń zııaly qaýym ókilderi jáne qazaqstandyq jazýshynyń shyǵarmashylyǵyna erekshe qyzyǵýshylyq bildirip, ony aǵylshyn tiline aýdarýǵa belsendi qatysqan Ulybrıtanııadan keletin sheteldik mádenıet jáne óner qaıratkerleri bar.
