D. Isabekov Memleket basshysyna aǵylshyn tilindegi kitabynyń tusaýkeseri jáne «Ókpek jolaýshy» pesasynyń premerasy ótetinin aıtty
ALMATY. QazAqparat - Memleket basshysy jazýshy jáne qoǵam qaıratkeri Dýlat Isabekovpen kezdesti.
Bul týraly Aqordanyń baspasóz qyzmetinen habarlandy. Áńgime barysynda otandyq mádenıetti damytý máseleleri men qazirgi zamanǵy ádebı úderisterdiń aspektileri talqylandy.
Memleket basshysy qazaqstandyqtardyń mádenı jáne rýhanı baıýyna tikeleı yqpal etetin jazýshylar men barlyq shyǵarmashylyq ókilderi qyzmetiniń mańyzdylyǵyn atap ótti, sondaı-aq barshasyna tabys tiledi.
D.Isabekov óziniń sońǵy jazǵan týyndylary men shyǵarmashylyq josparlary jóninde áńgimeledi. Atap aıtqanda, ol aldaǵy ýaqytta Londonda aǵylshyn tilindegi kitabynyń tusaýkeseri jáne «Ókpek jolaýshy» pesasynyń premerasy ótetinin aıtty.
