D. Esimov QR DSM Medıtsınalyq jáne farmatsevtıkalyq qyzmetti qadaǵalaý komıtetiniń tóraǵasy boldy

ASTANA. 11 aqpan. QazAqparat - QR Densaýlyq saqtaý mınıstriniń 2013 jylǵy 6 aqpandaǵy №18 buıryǵymen Esimov Dáýlethan Serǵazyuly QR DSM Medıtsınalyq jáne farmatsevtıkalyq qyzmetti qadaǵalaý komıtetiniń tóraǵasy bolyp taǵaıyndaldy.

Bul týraly mınıstrliktiń baspasóz qyzmetinen málim etti.

Esimov Dáýlethan Serǵazyuly 1963 jyly Aqmola oblysynda dúnıege kelgen. Qaraǵandy memlekettik medıtsınalyq ınstıtýtyn jáne Qaraǵandy Qazaq tutynýshylar odaǵy ekonomıkalyq ýnıversıtetin támamdaǵan.

1985-1994 jyldar aralyǵynda Arqalyq qalasynda túrli dárigerlik qyzmetter atqardy. 1995-1996 jyldary Astana medıtsınalyq ýnıversıtetiniń hırýrgııalyq aýrýlar kafedrasynyń assıstenti bolyp jumys istedi. 1997 jyldan mindetti medıtsınalyq saqtandyrý qorynyń Aqmola oblystyq bóliminde túrli qyzmetter atqardy. 1997 jyldan 2000 jylǵa deıin Aqmola oblystyq Medıtsınalyq qyzmetterge aqy tóleý ortalyǵynda istedi.

2000-2001 jyldary Ulttyq ǵylymı medıtsınalyq ortalyǵynda bólim meńgerýshisi. 2001-2003 jyldary jeke medıtsınalyq uıymda jumys istedi. 2003-2005 jyldar aralyǵynda QR DSM «Densaýlyq» RMQK Astana qalasy boıynsha bóliminde qyzmet atqardy.

2005 jyldan bastap QR DSM Medıtsınalyq qyzmetter kórsetý salasynda qadaǵalaý komıtetiniń Astana qalasy boıynsha bólim bastyǵy, dırektordyń orynbasary, dırektory. Keıin atalǵan Komıtettiń basqarma bastyǵy boldy.

2009 jyldan QR DSM Medıtsınalyq qyzmetter kórsetý salasynda qadaǵalaý komıteti tóraǵasynyń orynbasary, QR DSM Medıtsınalyq jáne farmatsevtıkalyq qyzmetti qadaǵalaý komıteti bolyp qurylǵan soń tóraǵa orynbasary boldy.

2009-2011 jyldary Astana qalasy Densaýlyq saqtaý basqarmasynyń bastyǵy.

2011-2013 jyldary QR DSM Medıtsınalyq jáne farmatsevtıkalyq qyzmetti qadaǵalaý komıteti tóraǵasynyń orynbasary qyzmetin atqardy.