D. Erǵojın: Qazaqstanda «kóleńkeli» ekonomıka deńgeıi tómendep keledi
ASTANA. QazAqparat - Qazaqstanda «kóleńkeli» ekonomıka deńgeıi tómendep keledi. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Qarjy mınıstrliginiń memlekettik kiris komıtetiniń tóraǵasy Dáýlet Erǵojın málim etti.
«Ótken jylmen salystyrǵanda, Qazaqstan Respýblıkasynyń tabys deńgeıi JІÓ-ge shaqqanda 0,3 bazıstik pýnktke ósti. Bul rette «kóleńkeli» ekonomıka qysqarǵandyǵyn atap ótken jón»,-dedi komıtet basshysy.
Onyń sózine qaraǵanda, búginde boljamdyq kórsetkishterdi artyǵymen oryndaý baıqalyp otyr.
«Kóleńkeli operatsııalar, jalǵan qujattardy paıdalaný nemese jalǵan fırmalar qysqardy. Olar korporatıvti tabys salyǵynyń jáne qosylǵan qun salyǵynyń tólenýi deńgeıin tómendetip otyrǵan edi. Búginde negizgi ósim osy eki salyq túrimen qamtamasyz etilip otyr. Sáıkesinshe, bıznes osy durys baǵytta jumys isteýdi bastady», - dep atap ótti D. Erǵojın.
