D. Eleýsinov pen Á. Nııazymbetov - Álem chempıonatynyń fınalynda
ASTANA. 25 qazan. QazAqparat - Qazaqstandyq boksshylar Danııar Eleýsinov pen Ádilbek Nııazymbetov Álem chempıonatynyń fınaldyq kezeńine joldama aldy.
69 kelige deıingi salmaq dárejesinde óner kórsetken Danııar Eleýsinov Germanııa ókili Arajık Marýtıannan 3:0 esebimen basym tússe, 81 keli salmaqta sharshy alańǵa kóterilgen Ádilbek Nııazymbetov Ózbekstan boksshysy Oıbek Mamazýlýnovty tize búktirdi. Esep - 3:0.
Buǵan deıin aqtyq synǵa qazaqstandyqtar Birjan Jaqypov (49 kg), Mereı Aqshalov (64 kg) jáne Jánibek Álimhanuly (75 kg) joldama alsa, Qaırat Eralıev (56 kg) pen Berik Ábdirahmanov (60 kg) qola júldeger atanǵan bolatyn.
