«D'Artanıan jáne úsh mýshketer» fılmindegi basty rólderdiń birin somdaýshy V.Balon dúnıeden ozdy
ASTANA. 3 aqpan. QazAqparat - Máskeýde 76 jasynda «D'Artanıan jáne úsh mýshketer» fılminde gvardeıshilerdiń kapıtany kardınal de Jıýssaktyń rólin oınaǵan Vladımır Balon dúnıeden ozdy.
Aktermen qoshtasatyn kún jáne onyń qaı jerge jerlenetini ázirge belgisiz.
Vladımır Balon 1937 jyly 23 aqpanda Sankt-Peterborda týǵan. Kásibı sportshy, sport sheberi, rapıralarda semserlesý boıynsha ıýnıorlar arasyndaǵy KSRO chempıony.
Óziniń alǵashqy róli - adıýtant Kýtýzovty Balon «Gýsar balladasy» kartınasynda oınady. Eldar Rıazanov ony jaýyngerlik shaıqastar men trıýktar jasaýǵa shaqyrdy.
Balonnyń basty rólderiniń biri Georgıı ıÝngvald-Hılkevıchtiń «D'Artanıan jáne úsh mýshketer» fılminde d'Artanıannyń basty jaýy - gvardeıshiler kapıtany kardınal de Jıýssaktyń róli boldy. Al mýshketerlardyń hıkaıalarynyń jalǵasy týraly keıin shyqqan kartınalarda («Mýshketerlar 20 jyl ótken soń», «Anna patshaıymynyń qupııasy, nemese Mýshketerlar 20 jyl ótken soń», «Mýshketerlardyń oralýy, nemese kardınal Mazarınıdiń qazynasy») Balon trıýktardy oryndady.
