«D» aralynan «Bolashaq» keshenine deıingi qubyrlardy aýystyrý 2016 jyldyń 2-jartysynda deıin aıaqtalýy tıis - S.Myńbaev
«Qashaǵan qubyryna qatysty aıtarym, sáıkesinshe kelisimshart qazirdiń ózinde jasaldy. Qalaı degende de, sheshimdi merdigerler, ıaǵnı, 6 kompanııa qabyldady. Jobaǵa qatysýshylar bul kelisimshartty maquldady. Meniń túsingenimshe, qubyrlardy tóseý - kóp jumysty qajetsinedi. Tapsyrys berý, jetkizý qajet. Al bul qubyrlar osyǵan deıingi sátsizdikti eskere otyryp, arnaıy qospadan jasalǵan. Onda dánekerlerdiń arnaıy tehnıkasy qoldanylady. Degenmen, bir sózben aıtqanda «D» aralynan «Bolashaq» keshenine deıingi aralyqtaǵy qubyrlardy aýystyrý jumystary 2016 jyldyń ekinshi jartysynda aıaqtalýy tıis», - dedi ol.
Mınıstrdiń aıtýynsha, qazirgi ýaqytta jasalǵan jumystardy, rásimdelgen kelisimsharttardy eskerer bolsaq, jobany belgilengen merzimdi júzege asyrýǵa múmkindik bar.
«Qubyrdy tóseýge qatysty shyǵyndardy Qazaqstan tarapy ótemeıdi. Bul - 2008 jyly qol qoıylǵan qosymshaǵa sáıkes jaıt. Bul konsortsıým shyǵyndary. Ony Qazaqstan óndirilgen munaı esebinen qaıtarmaıdy. Sondyqtan da konsortsıým bul jobany merziminde ári az shyǵyndarmen júzege asyrýǵa múddeli»,- dedi S.Myńbaev.